Повеќе од 33.000 луѓе загинаа во Туркије и соседна Сирија по земјотресите на 6 февруари со епицентар во јужната турска област Кахраманмараш.
Управата за управување со катастрофи и вонредни состојби на турската влада (АФАД) денеска соопшти дека бројот на загинати во Туркије се искачи на 29.605. Според оваа служба, повеќе од 92.600 луѓе се повредени.
Бројот на загинати во областа под контрола на бунтовниците во северозападна Сирија се искачи на 2.166, според спасувачката група „Бели шлемови“. Вкупниот број на жртви во Сирија заклучно вчера изнесуваше 3.553, иако официјалниот број на загинати од 1.387 лица, пријавен за областите во земјата контролирани од владата, е непроменет со денови.
Турската Дирекција за управување со катастрофи и вонредни состојби извести дека 147.934 лица се евакуирани од региони погодени од земјотресите, објави Дејли Сабах.
Потпретседателот Фуат Октаи рече дека 32.071 тимови за пребарување и спасување работат во 10-те погодени окрузи.
Фото: миа.мк
