Рускиот претседател Владимир Путин денеска пристигна во главниот град на Белорусија и со себе донесе голема делегација, меѓу кои и министерот за одбрана Сергеј Шојгу и министерот за надворешни работи Сергеј Лавров. Дописничката на Скај њуз од Москва, Дијана Магнaј наведува дека, со оглед на составот на делегацијата, ова е најзначајната посета на руската владејачка елита на Белорусија од Студената војна.
Според првите изјави од Минск, фокусот ќе биде ставен на економијата, вели Магнај, па се прашува зошто министерот за одбрана Сергеј Шојгу пристигна во Белорусија. Ова е втора посета на рускиот министер за одбрана на Минск овој месец. Taa потсетува дека Шојгу неочекувано се појавил во Минск на 3 декември и потпишал некаков договор за одбрана со својот белоруски колега, но деталите од тој договор останале непознати.
Lukashenko personally meets Putin at the airport in Minsk.
Putin visited Belarus for the first time since June 2019.
Presumably, he arrived to persuade Lukashenko about direct involvement in the war pic.twitter.com/jSW6EN8vIz
— Anton Gerashchenko (@Gerashchenko_en) December 19, 2022
Ова сугерира дека нешто се подготвува, според Магнај. Портпаролот на Кремљ, Дмитриј Песков, кој исто така пристигна во Минск, ги отфрли шпекулациите дека идејата за посетата била да се убеди белорускиот претседател Александар Лукашенко директно да се вклучи во војната. Ваквите предлози се „неосновани“ и „глупави“, рече Песков. За потсетување, истиот Песков во февруари годинава постојано негираше дека Русија планира да ја нападне Украина.
Во пресрет на посетата на Путин, што веројатно не е случајност, белоруската армија објави дека ги завршила проверките на борбената готовност. Во принцип, тоа значи дека ги проверила капацитетите на своите воени резерви, што би можело да биде еден вид подготовка за мобилизација. Така беше барем во Русија, потсетува дописничката од Москва.
Белоруските вооружени сили спроведоа серија вежби од април. Ова е веројатно најактивниот период за белоруската војска од крајот на Студената војна. Ако на тоа се додаде и проверката на информациите на воените резервисти, повиците до воените канцеларии за да се потврдат нивните информации за местото на живеење и слично, сето ова може да значи дека улогата на Белорусија во оваа војна може да се промени во блиска иднина, истакна Конрад Музика, безбедносен аналитичар во компанијата „Рочан Консалтинг“.
Испраќање белоруски сили во војна во Украина би било крајно непопуларен потег меѓу тамошната јавност и може да значи голем ризик за режимот на претседателот Лукашенко, јави дописничката на Скај њуз од Москва, додавајќи дека Лукашенко можеби едноставно нема избор. Од огромните протести што избувнаа поради фалсификуваните избори во 2020 година, кои ги задуши со помош на Русија, Лукашенко и должи на Москва и е многу зависен од неа.
Белорусија веќе во голема мера ѝ помага на Русија во инвазијата на Украина на повеќе начини: од обука на руски неодамна мобилизирани резервисти, до обезбедување медицинска нега на руските ранети и испраќање оружје и опрема, па се до руската употреба на територијата на Белорусија за извршување копнени и воздушни напади врз Украина.
Дописничката на Скај њуз наведува дека веројатно нема да може многу да се наѕира од официјалните соопштенија за денешната посета на Путин на Русија. Но, Путин во петокот се состана јавно со челниците на војската и Министерството за одбрана за да разговараат за плановите за војната во Украина. Најавено е и дека тој повторно ќе се сретне со нив во текот на оваа недела, кога, барем според руската државна телевизија, треба да „објави важна одлука“.
Присуството на рускиот министер за одбрана Сергеј Шојгу е важно, додава дописничката на Скај њуз од Москва. Таа сугерира дека Путин презема многу активна улога во планирањето на идна офанзива во Украина.
