• Latest
Добро утро со Орданоски

Наспроти сè, опстојуваме!

September 8, 2017
Дел од колажот на ФБ страницата United against Trump 2.0

United against Trump 2.0: Од Хитлер, Мусолини и Хирохито до Трамп, Путин и Си – „Америка се движи наназад!“

November 20, 2026
Фотографија: Преземено од Pexels

Студенти и средношколци ширум Европа со протести против планот на ЕУ за зголемување на воените инвестиции

November 20, 2026
Кијив, 20 ноември 2026 (ДСНС)

Мостови, железница и домови под руски оган: Најмалку осум загинати во Кијив и Лвив

November 20, 2026

Една година локална власт: Што се смени во вашата општина?

November 20, 2026
Фотографија: Платформа Х/ Володимир Зеленски

Коалиција на подготвените: Вашингтон отворен за безбедносни гаранции за Украина слични на членот 5 од НАТО

November 20, 2026

Роман Шеремета: Средба меѓу воен злосторник, диктатор и губитник

November 20, 2026

Додека другите слетуваа со приватни и државни авиони на АПЕК, мексиканската претседателка одржа лекција по скромност и лидерство

November 20, 2026
Кијив, 19 ноември 2026 (ДСНС)

Кијив под целодневен руски терор: Загинати цивили и оштетени амбасади – Кримскиот мост повторно погоден

November 19, 2026
Фотографија: Колаж/АП

Пораките на триото Си – Трамп – Путин од Шенжен

November 19, 2026
Јана Коцевска (фото: ИМА)

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Наспроти сè, опстојуваме!

September 8, 2017 09:56
in ДОБРО УТРО СО ОРДАНОСКИ, СЛОБОДНА ЗОНА
Добро утро со Орданоски

Добро утро со Орданоски

Share on FacebookShare on Twitter

пишува: Сашо Орданоски

[dropcap]Д[/dropcap]а не беше ВМРО-ДПМНЕ и Љупчо Георгиевски, Македонија можеби немаше да стане независна држава на 8 септември 1991 година. Да беше осамостојувањето така изведено како што сакаше ВМРО-ДПМНЕ и Љупчо Георгиевски, Македонија веројатно немаше да стане независна држава на 8 септември 1991 година. Тој микс од национал-романтизам и ентузијазам за раскин со Југославија, што го донесе ВМРО-ДПМНЕ, од една страна; и рационалноста и прагматичноста со која настапија реформираните комунисти дистрибуирани во неколку левичарски формации, од друга, придонесе Македонија, сепак, во процес од неколку критични години при распадот на СФРЈ, да се осамостои по мирен пат, што беше главното балканско изненадување, со оглед на настаните на север од нас и почетокот на воениот судир во Хрватска и Словенија во мај и јуни истата таа 1991 година.

Киро Глигоров, а не Георгиевски, подоцна Љубчо, е клучниот политичар за македонското провлекување низ „иглените уши“ на бившо-југословенската криза. Да, во годините потоа се покажа дека стариот комунист Глигоров не практикува високи демократски стандарди во својот византиски пристап кон практичната политика, но дека Стариот Лисец беше голем регионален авторитет кој ја имаше неверојатната моќ да го почувствува провевот што го произведуваше секоја отворена врата или прозорец од Истанбул до Виена, од Софија до Тирана и од Атина до Белград. Тоа се важните работи, останатото се анегдоти… Ах, да, и фактот дека беше поголем македонски националист од повеќето членови на ВМРО кои ги познавав, само на еден политички исфилтриран начин, тешко воочлив „од прва“, за чии последици не е време и место сега да диваниме.

Триесетина години по тие настани, добро е што во Македонија завршија расправите за тоа кој бил поголем или помал патриот во тој период. Факт е дека одевме по работ од острицата на ножот и дека, помалку или повеќе, на овој или на оној начин, најголемиот број од политичките актери ѝ мислеле најдобро на Македонија.

Но, да не заборавиме, тогашната (а и сегашна) единствена светска сила, Соединетите Американски Држави, цврсто застанаа зад македонската независност, од причини кои важат и денеска: независна, демократска (значи, прозападна) и стабилна Македонија е еден од клучните делови од формулата за просперитет на Балканот, што сѐ уште е од национален интерес на САД. (Поупатените знаат што значи и какви практични последици произведува кованицата „национален интерес“ кога се САД во прашање.) Тој историски и гео-политички контекст трае до денеска, без разлика на обидите од некои политички сили тој придонес да се потцени или омаловажи. Тоа ви е како со струјата, сфаќате колку ви е важна за нормален живот само кога ќе ја снема. Всушност, мислам дека оние кои тоа, божем, не го сфаќаат сакаат да живееме во темница.

Ете, колку да ви го честитам празникот.


Преземање на оваа содржина е дозволена само по 12 часот, на денот на објавувањето. Потоа, важат вообичаените правила според лиценцата Creative Commons 1.0.
Tags: ВМРО-ДПМНЕКиро ГлигоровЉубчо ГеоргиевскипразникСАДсамостојност
ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ