Норвешката компанија за гориво Haltbakk Bunkers објави дека ќе престане да доставува гориво за американските воени сили во Норвешка и американските бродови кои се закотвуваат во норвешките пристаништа, наведувајќи го незадоволството од неодамнешната политика на САД кон Украина, објави UK difence journal, пренесува ЦИВИЛ Медиа.
Во строго формулираната изјава, компанијата го критикуваше телевизискиот настан во кој беа вклучени американскиот претседател Доналд Трамп и потпретседателот Џеј-Ди Венс, нарекувајќи го тоа како „најголемото ср*ње кое некогаш било претставено во живо на телевизија“.
„Халтбак бункерс“ го пофалија украинскиот претседател Володимир Зеленски за неговата воздржаност, обвинувајќи ги Соединетите држави дека „поставуваат ТВ-шоу со нож од грб“ и изјавувајќи дека од спектаклот „ни се слоши“.
Како резултат на тоа, компанијата изјави:
„Одлучивме веднаш да СТОПИРАМЕ како снабдувач на гориво за американските сили во Норвешка и нивните бродови кои се јавуваат во норвешките пристаништа. Нема гориво за Американците!“
Халтбак бункерс, исто така, ги повикаа Норвежаните и Европејците да го следат нивното водство, завршувајќи ја својата изјава со слоганот „Слава Украина“ за поддршка на Украина.
Одлуката за прекин на снабдување со гориво за американската војска може да има логистички импликации за американските поморски операции во регионот. Норвешка е клучна членка на НАТО и често е домаќин на американските и сојузничките сили за заеднички вежби и одбранбени операции на Арктикот.
Оваа објава покренува прашања за поширокиот европски став за политиката на САД кон Украина и дали други бизниси или влади би можеле да преземат слични активности. Исто така, се истакнува како приватните компании во Европа реагираат независно на геополитичките случувања.
САД сè уште не одговориле на одлуката и останува да се види дали тоа ќе влијае на синџирите за снабдување со гориво за американските сили кои работат во Норвешка и северноатлантскиот регион.
Подготви: Драган Мишев
