Поради мерките за заштита од корона вирусот и протоколот за спроведување на гласањето, Државната изборна комисија изврши проверка на избирачките места и оние што не беа соодветни, мали простории, беа дислоцирани.Сепак, според мониторигнот на ЦИВИЛ и бројот на пријавени случаи, не сите гласачи соодветно и на време беа известени дека нивните избирачки места се дислоцирани. Вакви примери има во Штип, Куманово, Кочани, Пробиштип, Скопје…
Некои од гласачките места имаат истакнато место дека се преместени, но во неколку случаи не постои таква информација. Поради ова гласачите се или револтирани или се откажуваат од гласање. Во дислоцираните избирачки места, доколку се поделени во повеќе простории постои забуна каде да се гласа.
Па така, во ИМ место 0836 во Кочани, поради дислокација на избирачките места во овој објект многу од гласачите не можеа да ги пронајдат избричаките места во кои гласаат.
Но, според пријавите на гласачите и покрај посочените мерки за безбедност, постојат уште избирачки места, по две во една просторија, со што не се запазени протоколите за заштита од корона вирусот.
Таков пример е забележан во Штип, каде избирачките места 2284 и 2289 се сместени во една училница.
Бидејќи многу промени се направија поради пандемијата, сепак настојувањата за безбедно гласање не секаде функционира. Па така, од извештаите на набљудувачите на ЦИВИЛ на терен, може да се забележат пријави за несоодветно носење маски и од гласачите и од членовите на избирачки одбори, не користење дезифекциски сретства од секој гласач што влегува во избирачко место, без некој да ги опомене, не секој член од Избирачките одбори носи ракавици, а забележани се случаи каде не постои физичка дистанца меѓу гласачите што чекаат ред за гласање. Истото е забележано и во избирачки места што се сместени во помали простории.
Мониторинг тимот на ЦИВИЛ брои 314 набљудувачи, сите мобилини. Наодите од извештаите од нивното набљудување се соопштија на прес конференциите во 8 и 10 часот. Следната прес конференција на ЦИВИЛ е во 13 часот.
Мониторинг тим на ЦИВИЛ
