Последниот обид на ВМРО-ДПМНЕ за узурпирање на собраниската говорница, со формирање на 10 пратенички групи, е уште еден обид за манипулација со јавноста и блокирање на работата на законодавниот дом. Овој начин на практицирање на парламентарна демократија на оваа опозициска партија, предизвика бурни реакции и на социјалните мрежи и во експертската јавност. Според професорката Мирјана Најчевска, правен експерт, ВМРО-ДПМНЕ врши злоупотреба, меѓу другото, и на одредби од меѓународните документи, како Европската конвенција за човекови права и Универзалната декларација.
„Овие документи имаат по еден член во којшто децидно стои дека ниту една одредба од оваа конвенција не смее да биде употребена спротивно на она што претставува заштита на човековите права, односно спротивно на смислата на самата конвенција“, вели Најчевска за ЦИВИЛ Медиа.
„Овие документи имаат по еден член во којшто децидно стои дека ниту една одредба од оваа конвенција не смее да биде употребена спротивно на она што претставува заштита на човековите права, односно спротивно на смислата на самата конвенција“, вели Најчевска.
„Очигледно е дека од ВМРО-ДПМНЕ не ја разбираат демократијата. Им пречи! И тие на секој начин се обидуваат да ги уништат, угушат или дезавуираат сите институции што претставуваат столбови на демократијата. Собранието, правосудниот систем, Уставниот суд, контролните механизми… Тоа се столбови на демократијата! Со секое свое дејствување, ВМРО-ДПМНЕ само ги дезавуира овие столбови на демократијата, обидувајќи се да изврши концентрирање на власта во партиските врхушки, коишто потоа би требало да се договараат на ниво на мафијашки семејства што си делат одредена територија на влијание“, додава професорката Најчевска.
Од позиција на правен експерт, Најчевска препорачува да се свика итна седница и да се даде официјално толкување на Деловникот.
„На таа седница треба да се објасни дали одредбата се однесува само на формирање пратенички групи составени од пратеници од една политичка партија или може, како што тоа го прави ВМРО-ДПМНЕ. Мислам дека во моментов, тоа е најелегантно решение. Колку и да трае расправата по една ваква точка, таа не може да биде таков голем проблем, како продолженото постоење на толкав број пратенички групи, коишто можат лесно да ја блокираат работата на Собранието“, оценува Најческа.
Моника Талеска
