Најмалку пет лица загинаа, а речиси осуммина се повредени при оружен напад во Старата национална банка во Луисвил, Кентаки, соопшти локалната полиција на прес-конференција. Напаѓачот е исто така мртов, изјави заменик-началникот на метро полицијата во Луисвил, полковник Пол Хемфри, објави Њујорк тајмс.
BREAKING: At least 5 dead, 6 injured following active shooter incident at the Old National Bank building in downtown Louisville, Kentucky. pic.twitter.com/RlR0G5a5yV
— UA News (@UrgentAlertNews) April 10, 2023
Најмалку двајца полицајци се застрелани, рече Хемфри. Од најмалку осум лица кои се пренесени в болница, двајца се наоѓаат во критична состојба. Еден од нив е полицаец кој во моментов е на операција. Полицијата работи на идентификување на сите жртви, истакна полковникот Хемфри. Некои од преживеаните успеале навреме да се скријат во безбедна просторија, изјави репортер на Си Ен Ен.
ФБИ соопшти дека нивните агенти се на лице место и им помагаат на локалните органи за спроведување на законот. Жителите се предупредени да не се приближуваат до тој дел од градот.
На местото на инцидентот пристигна градоначалникот на Луисвил, Крег Гринберг. Тој го нарече инцидентот „трагичен“. Полицијата потврди дека пукањето се случило во Старата национална банка во најголемиот град во Кентаки.
Бајден е информиран за инцидентот, а Белата куќа најави дека наскоро ќе излезе со соопштение.
Полицијата смета дека напаѓачот бил поврзан со банката, соопштија на прес-конференцијата. Веројатно, како што велат, бил поранешен вработен.
Полицијата утринава реагираше во рок од три минути по повикот и речиси веднаш наиде на осомничениот, истакна заменик-началникот на полицијата во Луисвил, Пол Хемфри на брифинг со новинарите. Осомничениот продолжил да пука, рече началникот. Полицијата разменила оган со напаѓачот, кој починал на местото на престрелката, додаде тој.
Г. Т.