„Во моментот во Северна Македонија немаме национален склад за радиоактивен отпад. имаме проблем и со операторот затоа што со Одлука на Влада, Институтот за јавно здравје беше назначен за тело што ќе биде оператор на тој национален склад за радиоактивен отпад. Ние имаме доделен објект од Министерството за одбрана, но тој објект сè уште е направен за да функционира. Имавме посета од Меѓународната агенција за атомска енергија за да се провери дали објектот може да ја врши таа функција. Во моментот имаме две институции во земјата што ни излегуваат во пресрет, Иститут за заварување „Југ“ и РЖ Техничка контрола како привремени складишта“, изјави м-р Емилија Петрова, што работи на евиденција на дозволи и лиценци во Дирекцијата за радијациона сигурност.
Петрова се обрати на Втората конференција на Асоцијацијата: Центар за анти-тероризам и мир “Гардијан”- Куманово, која беше посветена на пост-Ковид состојбата на глобалната и регионалната безбедност, состојби, перспективи и предизвици. Конференцијата ја отвори Бранислав Јовчевски, претседател на Асоцијацијата.
„Целта ни е, во преговори сме со Центарот за атомска енергија, сите овие извори што ги имаме во привремени складишта да се стават на ендо место. Во преговори сме, уште немаме информација како ќе оди, со оглед дека Институтот за јавно здравје одбиваше да биде оператор. Во тек се состаноци со Институтот за јавно здравје, сменето е раководството, до сега немавме слух, се надеваме дека сега ќе го решиме проблемот“, додаде Петрова.
Петрова зборуваше за како практично пандемијата на Ковид влијаеше на работата на институција што директно зависи од меѓународна соработка, но и безбедноста во здравството, како и за работата и значењето на самата Дирекција.
Б. Јордановска
камера: Атанас Петровски
