Една од трудниците повредена во воздушниот напад на породилиште во Мариупол на 9 март почина заедно со нејзиното неродено дете.
„Првата трудница на видео/фото извештаите од местото на бомбардирањето на детската болница број три во Мариупол (породилна болница), која ја носеа на носилки, не преживеа. А нејзиното неродено дете не преживеа“, напиша репортерката на ВоА, Асија Долина, пренесува Укринформ.
Според Долина, оваа информација ја потврдил фотографот Јевхениј Малолетка кој бил таму за време на евакуацијата на жените и се фотографирал за АП.
Друга жена, Маријана Пидурска, чии фотографии исто така се направени за време на гранатирањето на породилиштето во Мариупол, е жива и на 10 март родила девојче.
За неа неколку медиуми меѓу кои и македонски интернет портали и корисници на социјалните мрежи, ја објавија лажната вест на Руската амбасада во Лондон, која објави дека се одглумени сцените на бремени жени што бегаат од болницата во Мариупол која според нив, наводно била бомбардирана. Руската амбасада на „Твитер“ објави фотографија од бремена жена која бега од болница. Покрај таа фотографија, тие објавија фотографија од истата жена како блогерка на шминка. Во придружниот текст таа беше наречена „актерката што глумеше жртва на бомбардирањето, а целата сцена беше режирана“.
Олександра Матвичук, шеф на Центарот за граѓански слободи (Украина), на својот Твитер профил објави фотографија од бремената девојка која беше цел на напад на руската пропаганда.
„Русите ја малтретираат Маријана на Инстаграм. Таа е една од жените од породилиштето во Мариупол, гранатирано од Русите. Нејзиното лице денеска се појави во сите светски медиуми. Ако можете да напишете зборови за поддршка, тоа ќе биде вистинската одлука. Ќе ѝ ги пренесеме вашите коментари“, објави Матвичик.
Д.М.
