Поддршка за малите и средни претпријатија и за занаетчиите најави денеска првиот човек на Халкбанка во Македонија Билал Суџубаши.
Од нашето основање наваму, наша таргет група се малите и средни претпријатија (МСП) кои претставуваат камен-темелник на економијата. Но, Халкбанк А.Д. Скопје паралелно ги поддржува сите сектори на економијата и сите бизнис слоеви, рече на денешната прес-конференција Суџубаши потенцирајќи дека се воведени неколку нови производи Еснаф, Раат и Промо Плус преку кој ќе се поддржат нивни тековни потреби за основни средства и обртен капитал.
– Во 2018 година ќе продолжиме со поддршка на проектите на бизнис заедницата и преку кредитните линии од меѓународните финансиски институции. Како еден од поважните приоритети на Банката за 2018 година е и воведување на кредитни прозводи за поддршка на занаетчиите во Р. Македонија преку непосредна соработка со Занаетчиската Комора на Македонија, рече Суџубаши.
Банката во делот на малите и средните претпријатија во минатата година оствари пораст од 41,5 милиони евра или 21,6 проценти. Притоа, рече Суџубаши е задржано ниското ниво на лоши пласмани од 0,56 проценти.
[divide]
извор: МИА
