Започна погребот на папата Франциск започна: Папата Франциск, првиот латиноамерикански понтиф и водач на околу 1,4 милијарди католици, кој почина на 88-годишна возраст на 21 април, Велигденски понеделник, предизвикувајќи излив на тага низ целиот свет.
Службата е во тек, пренесува Си-ен-ен. Откако три дена беше положен во базиликата „Свети Петар“, ковчегот на Франциск беше пренесен на отворениот плоштад – означувајќи го почетокот на погребот.
Политичките и религиозните лидери, заедно со околу 200.000 аџии, се собраа во Ватикан за да се збогуваат со Франциск, шест дена откако тој им го даде својот велигденски благослов на оние што се собраа на плоштадот „Свети Петар“.
Меѓу нив се 130 делегации, вклучувајќи светски лидери и актуелни монарси. Претседателот на Украина, Володимир Зеленски, и американскиот претседател Доналд Трамп се сретнаа пред погребот, соопшти украинското претседателство.
Кардиналот Џовани Батиста Ре, една од највисоките личности во Католичката црква, ја води службата. 91-годишникот ја почести способноста на Франциск да води со „отворено срце кон сите“ во својата проповед, опишувајќи го како „папа меѓу народот“.
Последното почивалиште на Франциск: По „поедноставена“ церемонија во Ватикан, телото на Франциск ќе биде пренесено преку реката Тибар за да биде погребано во гробница во римската базилика „Санта Марија Маџоре“.
М. Д.
