• Latest

Пониските бројки на заболени и починати од ковид-19 не се никаков сигнал за опуштање

January 14, 2021
Фотографија: Колаж/АП

Шенжен: Трамп повика на дијалог, Си на соработка, Путин на заедничко решавање конфликти

November 19, 2026
Јана Коцевска (фото: ИМА)

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

Тврдењето на Сиљановска-Давкова падна при основна проверка на фактите: Уставниот „рекорд“ не постои

November 19, 2026
Орце Ѓорѓиевски, градоначалник на Скопје (Wikipedia)

Скопје меѓу „шампон“ и ѓубре: Што велат 247 коментари за првата година на Орце Ѓорѓиевски?

November 19, 2026

Европска комисија предлага нови 45 милијарди евра за Украина во 2027 година

November 19, 2026

Правилното чување на тутунот е важно за зачувување на квалитетот пред откупот

November 19, 2026
Поморскиот сообраќај во Црното Море се соочува со зголемени безбедносни ризици. (Фото: Mosbatho / Wikimedia Commons, CC BY 4.0)

Два поморски инцидента за два дена во Црното Море, спасени 31 морнар

November 18, 2026
Гордана Сиљановска-Давкова гласа за вториот круг на претседателските избори во 2024. Фото: Toshe Ognjanov (VOA). Извор: Wikipedia

Сиљановска-Давкова и „рекордот“ во бројот на уставни измени: Тврдењето падна на проверката на фактите – статистиката во служба на националистичката реторика

November 18, 2026
Анти-владини протести, Братислава, 17 ноември 2026 (Фото: Скриншот од видео на APT News)

Словачка: Илјадници демонстранти протестираа против владата на Роберт Фицо

November 18, 2026
Беџ на АНБ (фото: Архива на Слободен печат)

АНБ и МВР разоткрија мрежа поврзана со Иран: Петмина уапсени поради сомневања за подготовка на атентат во Грција

November 18, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ЗДРАВСТВО КОВИД-19

Пониските бројки на заболени и починати од ковид-19 не се никаков сигнал за опуштање

January 14, 2021 23:48
in ВЕСТИ, КОВИД-19
Share on FacebookShare on Twitter

Иако бројките на новозаразени на дневна основа од вирусот SARS-CoV-2 и на починати како резултат на болеста ковид-19 опаѓаат, сепак пандемијата е далеку од завршена и граѓаните треба да продолжат да ги почитуваат мерките за заштита, велат епидемиолозите. Споредено со останатите земји од Балканот, Северна Македонија бележи стагнација на развојот на болеста. Така на пример процентот на починати од 4,2 отсто во септември опадна на 3 отсто во последните денови од 2020 и почетокот на 2021 година. Но, ако се земе предвид стапката на починати на 100.000 жители, Македонија е сè уште блиску до врвот, веднаш зад Словенија.

Поранешниот директор на Центарот за јавно здравје, д-р Александар Стојанов, за Мета.мк вели дека тоа што е опаднат бројот на нови ковид-случаи и бројот на лица кои починале како последица на вирусот, не значи дека треба да се опуштиме, напротив, треба да продолжиме да внимаваме и да ги почитуваме мерките. Со него се согласува и микробиологот, д-р Никола Пановски, кој вели дека сега би било апсурдно ако граѓаните се опуштат.

Според последниот извештај, од вкупно направени 3.023 тестирања, има 520 новозаразени лица, што е 17 отсто.

„Во однос на бројките бележиме пад, и тоа за 30 отсто во споредба со она што го имавме претходно. За очекувањата на краток рок, да почекаме да помине периодот на инкубација од собирањата за нова година и собирањата во цркви за празнициве па ќе видиме кон крајот на јануари каква ќе биде состојбата. Сметам дека е многу рано за отпуштање на мерките кои се на сила. Следува празнувањето на Водици, треба многу да се внимава“, вели Стојанов.

Ако се спореди движењето на вкупниот број на заразени во земјите од Балканскиот полуостров, може да се забележи дека во Србија и Словенија тие сè уште растат со речиси истиот интензитет како претходно. Слична е ситуацијата и во Хрватска и Бугарија, иако таму растот е намален, додека во Македонија, Босна и Херцеговина, Грција, Албанија, Црна Гора и Косово растот на новозаразени стагнира.

Во однос на вкупниот број на починати, споредбата покажува дека најмногу починати како резултат на ковид-19 на Балканот има во Бугарија, Грција и Хрватска, па потоа Босна, Србија и Словенија.

Ако се спореди процентот на починати на дневна основа како процент од бројот на новозаразени, статистиката покажува дека и овој процент во дел од земјите од Балканот е во стагнација и во моментот изнесува под 4 %. Сепак, на првото место е Бугарија, со 3,9 отсто, Македонија е на средина на листата со 3 отсто и најдолу е Србија со 1 отсто.

Споредбата, пак, на стапката на починати на 100.000 жители покажува дека севкупно земено, од почетокот на пандемијата до сега, најмногу жртви на 100.000 жители пандемијата одземала во Словенија – 146 и во Македонија – 127. Но, ваквите споредби треба да се земаат со резерва кога се споредуваат земји со големи разлики во популацијата, како на пример Грција и Србија со Словенија и Македонија.

Епидемиологот Стојанов, за Мета.мк вели дека дефинитивно може да се очекува намалување на вирулентноста на SARS-CoV-2 вирусот за неколку месеци, што значи дека тој потешко би се ширел. Сепак, епидемиологот посочува дека и тоа не значи дека луѓето не треба и понатаму да внимаваат бидејќи вирусот е многу непредвидлив. Според него, ниту пристигнувањето на најавените први дози на вакцината против ковид-19 во февруари и март не значи дека пандемијата ќе заврши.

„Вакцината дава надеж, но тоа не значи крај на пандемијата. Има група на деца до 16 години кои не се вакцинираат. Потоа има доилки, па луѓе со различни заболувања и други категории граѓани кои нема да се вакцинираат, така што, вакцинирањето нема да биде масовно“, вели Стојанов.

Според него, сè повеќе луѓе стенуваат колективен имунитет, затоа може да сметаме и на ослободување на вирулентноста, но сепак, луѓето треба и натаму да внимаваат.

„Со вакцинацијата и со колективниот имунитет, очекувањата се бројот на ковид-случаите да опаѓа, а не да расте. Но, да не забораваме дека вирусот е непредвидлив“, додава д-р Стојанов.

Овој месец се обележуваат неколку поголеми верски празници, на кои вообичаено има масовни собири. За празникот Водици на 19 јануари годинава од МПЦ најавија дека нема да има организирани прослави како што тоа досега беше пракса.

Извор: МЕТА

ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ