„Ги повикуваме сите страни да се воздржат во своите изјави и дејствија и да донесат одлуки за доброто на сите граѓани“, се наведува во последното соопштението на НАТО, кое се однесува на политичката состојба во Македонија.
Генералниот секретар на НАТО, Јенс Столтенберг, им порача на македонските политички лидери и до претседателот, Ѓорѓе Иванов, да се придржуваат на Договорот од Пржино. Тој повика на воздржаност и побара македонските политичари да носат одлуки во интерес на граѓаните.
„Декемвриските избори во 2016-та година беа забележани од страна на меѓународните набљудувачи како суштински чекор во решавање на кризата. Тие беа оценети дека се добро организирани и без поголеми инциденти. По еден обид да се формира влада, сега е објавено дека, во согласност со барањата утврдени од страна на претседателот, сега се собрани доволно потписи на пратениците“, смета Столтенберг.
Како што известува МИА, во соопштението е наведено дека е неопходно во овој период политичарите да покажат воздржаност.
Претходно, на 23-ти февруари, се одржаа билатерални консултации меѓу Македонија и НАТО за напредокот во одбранбените подготовки за интеграција на Македонија во Алијансата. Ова беа седумнаесетти консултации, откако 16 пати Македонија не успеа во обидите да стане членка на НАТО.
