ДРАГАН МИШЕВ
Бурни реакции кај дел од македонската и српската јавност предивика појавувањето на претседателот на Србија, Александар Вучиќ со свита од десетина камери и новинари, во болничките соби каде што се сместени пациентите од пожарот во Кочани. Тие што со тешки изгореници и животнозагрозувачка состојба беа испратени во Белград за да добијата подобар третман и лекување, станаа жртва на Пи -арот на српскиот претседател.
Со над 10 камермани и репортери покрај себе, облечени во цивилна облека, српскиот претседател Александар Вучиќ вчера влезе во просториите во белградската болница каде што се лекуваат повредените од пожарот во Кочани. Ова наиде на остри критики кај дел од македонската и српската јавност, особено беа спорни видета и фотографиите кои Вучиќ ги сподели од повредените додека беспомошно лежат во болничките кревети, приклучени на апарати и целите во завои.
Од фотографиите и видео материјалите објавени војавноста, се гледа како Вучиќ оди од кревет до кревет, со свитата новинари и камери, додека се елаборираше здравствената состојба на пациентите, од кои некои беa свесни, и се заблагодаруваа на помошта, но имаше и пациенти кои не беа во свесна состојба. Истовремено, Вучиќ, заобиколувајќи ги болничките протоколи за одржување стерилност во собите на пациентите со изгореници, кои имаат третман на отворени рани подложни на инфекции, го доведе во опасност животот и здравјето на пациентите.
„Немојте прес конференции над пациенти, не е во ред, особено не над овие со тешки изгореници, без трошка политика во коментаров мој, изгореници се третираат како отворена рана, не смее вакви гужви од цивили. Од срце благодариме за цела помош, најискрено, ама немојте ова“, напиша докторот Ненад Лазаров.
Повредени од пожарот во Кочани беа испратени на лекување во повеќе држави од регионот и земји членки на ЕУ, но никаде немаше претседатели или премиери кој си прават ПР сликајќи се со поврдените, освен во Србија.
