ВЕСТ НА ДЕНОТ: Презентиран извештајот на ДКСК за финансирање на политичките партии за изборна кампања
Државната комисија за спречување корупција и судир на интереси го презентираше Посебен извештај за утврдените злоупотреби во финансирањето на изборната кампања – Предвремени избори за пратеници во Собранието на Република Северна Македонија–2020 година.
ИЗЈАВА НА ДЕНОТ: Николовска: Граѓанските организации имаа помал удел во нашата работа поради здравствената криза
ЦИВИЛНИ АКТИВНОСТИ
ЦИВИЛ Медиа постави прашање до портпаролот на Владата, Душко Арсовски за тоа дали Владата е подготвена да ја започне оваа дебата и во кој формат? Постои ли план за реализација на конкретни чекори за декриминализација на канабисот и во која временска рамка се предвидува овој процес? Арсовски одговори дека Владата е отворена во секој момент да разговара за суштински решенија за декриминализација и депенализација преку измени во Кривичниот законик и Законот за прекршоци.
*
Зелените вредности, социјалната правда и антинационализмот се на агендата и на градоначалникот на Општина Ресен, Живко Гошаревски. За Зелен ЦИВИЛ, Гошаревски в вели дека промената мора да настане сега и веднаш за зелената и сигурна иднина на нашите генерации.
*
Во тек е повикот за дводенвниот регионален семинар „Граѓански објектив: Граѓан(к)ите учествуваат, набљудуваат и известуваат“ во Струга, во хотел „Београд“, во центарот на градот, на 24 и 25 октомври (сабота и недела) со почеток во 11 часот. На семинарот може да учествуваат сите заинтересирани граѓанки и граѓани од општините Охрид, Струга, Центар Жупа, Вевчани, Дебар, Дебарца, Ресен и Кичево. Бројот на учесници е ограничен на 20, а ЦИВИЛ за таа намена обезбедува голем простор согласно мерките за заштита од Ковид-19 за максимално почитување на протоколите за безбедност од корона вирусот.
ПРИЈАВА ЗА УЧЕСТВО
ФЛЕШ ВЕСТИ
Влада: Ажурирани протоколи за заштита од Ковид-19 – забранети прослави, музички настапи, 4 лица на една маса…, тие можат на се најдат на следниот линк: https://vlada.mk/protokoli-
Одговорајќи на новинарско прашање за ставот на ДКСК за поставувањето на Ејуп Рустеми, досегашниот директор на АД Македонски пошти ќе биде прв човек на ЈП Државни патишта на местото на Зоран Китанов, претседателката Билјана Ивнаовска смета дека ваквата распределба на директори од Владата е контрапродуктивна.
МРТ ја стави на јавна расправа Петгодишната стратегија за развој на јавниот сервис до 2025 година
Министерката за труд и социјална политика очекува сите пратенички групи да дадат придонес и во предвидениот рок да биде донесен законот за спречување и заштита од дискриминација, кој во моментов е во второ читање во Собранието.
Над 151 илјада невработени до крајот на септември поради кризата со Ковид-19
СЛОБОДНА ЗОНА
„Освојување на слободата“, колумна на Сашо Орданоски: Денеска е хаотично, како во современите демократии. Иако не сум сигурен дека оваа општа хистерична врева во која живееме е добар демократски стандард, многу е подобро отколку кога на власт беше партијата која сега секојдневно паѓа во фрас по нивните стари, добри времиња. Денеска опозиционерите се почесто на гости во телевизиите од метеоролозите за временска прогноза, а партиските ботови на твитер и фејсбук водат официјална партиска политика без никакви ограничувања во полувистините и лагите за секој што ќе им се најде на патот.
Б. Јордановска
