ВЕСТ НА ДЕНОТ: На Меѓународниот ден на човековите права ЦИВИЛ со конференција за човекови права, правда и антикорупција
ЦИВИЛ ја организираше Конференцијата за човекови права, правда и антикорупција „Следна Станица: Европа“ денеска, 10 декември, по повод Меѓународниот ден на човековите права, со почеток во 12 часот. Конференцијата се одржа комбинирано, со онлјан и физичко присуство, со максимално почитување на здравствените протоколи.
Конференцијата се одржа во две сесии, во 12 и 13:30 часот. Првата сесија од конференцијата е со наслов „Правда и владеење на правото“, а на неа учествуваа Министерот за правда, Бојан Маричиќ и универзитетскиот професор Александар Спасов.
Втората сесија од конференцијата носи наслов „Борба против корупцијата“, а на неа учестваа Заменик премиерот за борба против корупцијата и криминалот, Љупчо Николовски, политичкиот аналитичар и универзитетски професор Сашо Орданоски и универзитетската професорка Јасна Бачовска. Модератор и учесник на конференцијата беше Џабир Дерала од ЦИВИЛ.
ЦИВИЛНИ АКТИВНОСТИ
ЦИВИЛ: Борбата за човековите права и слободи продолжува!
ЦИВИЛ им го честита 10 декември, Меѓународниот ден на човековите права на сите граѓанки и граѓани на Северна Македонија и на светот и порачува: Борбата за човековите права и слободи продолжува!
Меѓународниот ден на човековите права, е повик за вклучување на сите граѓанки и граѓани во бескомпромисна борба во одбрана на човековите права и слободи. На овој ден ЦИВИЛ ги повикува институциите да манифестираат максимална одговорност и посветеност и ги потсетува дека човековите права и слободи се нивна прва и најголема обврска. Во духот на слободата, солидарноста и толеранцијата, ЦИВИЛ повикува на почитување и заштита на човековите права и слободи.
Обврска на секое општество, на сите институции на локално и национално ниво, на сите носители на одлуки, сопственици на бизнис и на сите луѓе е да ги почитуваат човековите права и слободи. Секој човек ги има истите човекови права и слободи како и сите други луѓе во светот, само затоа што е човек. Човековите права и слободи се неотуѓиви – никој не може да ги даде или да ги одземе, бидејќи тие веќе му припаѓаат на секој човек!
Николовски: Правата кои ги имаат функционерите не можат да останат без контрола
Бачовска: Нашата корупција почнува од авион да се гледа
Панел дискусија на ЦИВИЛ: Социјална правда и дискриминација
Панел дискусија на ЦИВИЛ -Попис: Помеѓу политиките и статистиките
Ангелов: Доколку бидам градоначалник ќе се посветам на инфраструктурата на Штип
ФЛЕШ ВЕСТИ
Собраниската Комисија за европски прашања денеска во прво читање со десет гласа за и ниту еден против и воздржан го поддржа и го проследи во натамошна собраниска процедура Предлог-закон за попис на населението, домаќинствата и становите во Република Северна Македонија, согласно кој треба да се овозможи одржување на оваа статистичка операција наредната година.
Вкупно 4.635 контроли и надзори извршиле шесте инспекциски служби во периодот од 30 ноември до 6 декември годинава. Инспекторите од Државниот пазарен инспекторат (ДПИ) извршиле вкупно 3.129 контроли и 490 вонредни инспекциски надзори, од кои најголемиот број се поврзани со почитување на протоколите за отворање и работа на угостителски објекти и кафетерии.
Министерката за труд и социјална политика, Јагода Шахпаска денеска присуствуваше на отворањето на новата детска градинка „Срцко“ во Општина Лозово. Таа изрази големо задоволство што токму на Светскиот ден на човековите права, 10 декември, отворањето на новата градинка е во знак на почитување и вреднување на еднаквоста на сите граѓани во нашата држава, вклучително и децата.
Со изведување на материјални докази – анализа на телефонска комуникација денеска во Основниот кривичен суд во Скопје продолжи судењето за незаконското финансирање на невладината организација
„Меѓународен сојуз”, каде заедно со основачот Бојан Јовановски, обвинети се уште четири лица.
СЛОБОДНА ЗОНА
„Вчера се случи така, речиси истовремено додека Зоран Заев се обраќаше до нацијата, во Софија госпожа Екатерина Захариева да ги повтори, со избрани зборови, сите ултимативни, а и безвремено навредливи барања заради кои Софија вложи вето за формалниот почеток на македонското интегрирање во ЕУ – уууупс, настрадавме, самото спомнување на зборот „вето“ се смета за „говор на омраза“ од Скопје кон Бугарија! – а лидерите на парламентарната опозиција во Македонија Христијан Мицкоски и Зијадин Села да побараат веднаш и безусловна оставка на оваа Влада, заради „катастрофата“, во сите најтемни нијанси на каталогот на обвинувањата, до која е доведена државата“, пишува Сашо Орданоски во колумната „Враќањето на Џедајот (Заев)!“.
