ВЕСТ НА ДЕНОТ: Комисиската расправа за задолжително пензионирање на 64-годишна возраст презакажана за 18 ноември
СКЕН – политички видео магазин: Хибридните закани – подмолност на интернетот
Крива Паланка ќе издвои средства само за работна рака за новогодишно украсување
ФЛЕШ ВЕСТИ
Со положување цвеќе на Партизанските гробишта во Бутел, на вечното почивалиште на генерал Михајло Апостолски и пред Споменикот на ослободителите на Скопје, денеска се одбележа 13 Ноември – Денот на ослободувањето на Скопје во Втората светска војна.
Претседателката на Европската комисија Урсула фон дер Лајен во денешниот телефонски разговор со премиерот Зоран Заев истакнала дека Северна Македонија е успешен и позитивен пример за Западен Балкан за остварените реформи.
Министерство за здравство: Во изминатите 24 часа во ковид центрите во земјава е пријавено дека се лекуваат 569 пациенти позитивни и суспектни на корона вирусот, Во регионалните центри во Битола и Штип се хоспитализирани дополнителни 133 болни, со што вкупната бројка на пациенти позитивни и суспектни на ковид-19 вирусот, кои болнички се лекуваат во ковид центрите е 702.
Министерот за правда Бојан Маричиќ утрово оствари онлајн средба со еврокомесарката за вредности и транспарентност Вера Јурова, на која дискутираше за клучните реформи во областа правда.
Министерката за труд и социјална политика, Јагода Шахпаска денеска оствари средба со градоначалникот на Општина Демир Капија, Лазар Петров на која разговараа за тековните и идни планови на општината и меѓусебната соработка.
Владата на вчерашната седница го разгледа и го усвои Меморандумот за разбирање помеѓу Владата на Република Северна Македонија и Европската банка за обнова и развој.
СЛОБОДНА ЗОНА
„Го слушам спортскиот коментатор како егзалтирано, со насолзени очи вреска во телевизискиот микрофон, засипнат и во националистичко бунило, славејќи ја победата на националната фудбалска репрезентација, бидејќи земјата, која со години беше оставена надвор, во „фудбалската дивина“, сега конечно ќе заигра на Европското фудбалско првенство! Фудбалските репрезентативци се прогласуваат за национални херои, тренерот е издигнат во статус на полубожество, а следуваат и пригодни психијатарски анализи за духот на нацијата, за славното минато, за светлата иднина и за други слични глупости“, пишува Сашо Орданоски во колумната „Аве, Цезари, карирани, на штрафти!“.
„Во собраниска процедура влезе предлог за промена на Законот за работни односи со која се менува членот 104, кој со оваа измена би гласел: „Договорот за вработување работодавачот го прекинува кога работникот ќе наполни 64 години возраст и 15 години пензиски стаж, доколку со друг закон поинаку не е уредено.“ Според мене, ова е уште едно неписмено, бесмислено, избрзано и, апсолутно, еднострано менување на Законот за работни односи од страна на власта со цел натамошна партизација на јавниот сектор и ухлебување на партиските војници“, пишува Мирјана Најчевска во колумната „Кога не знаеш што да понудиш, смени го законот“.
А. П.
