ВЕСТ НА ДЕНОТ: ЦИВИЛ го започна проектот „Направи разлика: Почитувај ги различностите“ во соработка со Министерството за надворешни и европски прашања на Големото Војводство Луксембург
ЦИВИЛ го започна проектот Направи разлика: Почитувај ги различностите во соработка со Министерството за надворешни и европски прашања на Големото војводство Луксембург. Проектот е продолжение на минатогодишната извонредно успешна иницијатива Обединети во различноста.
Направи разлика: Почитувај ги различностите е проект за промовирање на мултикултурализмот и европските вредности. Проектот има цел да ги ублажи разорните последици од етничката омраза и антизападните кампањи, преку кампања за јакнење на јавната свест, медиумска продукција и настани што ќе се фокусираат на позитивните пораки за мултикултурализмот и европските вредности.
Во месеците што доаѓаат, ЦИВИЛ ќе покани јавни личности, креатори на јавното мислење, експерти, политичари и граѓанки и граѓани да зборуваат за различностите и европските вредности.
ИЗЈАВА НА ДЕНОТ: Сите ќе испратиме силна порака против национализмот
„Проектот Направи разлика: Почитувај ги различностите е одлична можност да научиме едни за други и да зборуваме за убавината на различностите. Тоа ќе им даде глас на мнозинството луѓе кои ги прифаќаат европските вредности и македонската иднина во ЕУ. Сите ќе испратиме силна порака против национализмот. Македонското општество е мултикултурно, мултиконфесионално и мултиетничко. Овој факт на реалноста е убавина и голем потенцијал“ – изјавуви Џабир Дерала од ЦИВИЛ.
ФЛЕШ ВЕСТИ
Полициски час -На предлог на Комисијата за заразни болести со цел да се спречи натамошен пораст на бројките на заболени и хоспитализирани од КОВИД-19 Владата одлучи од денеска до 22 март биде воведен полициски час што ќе трае од 22 часот вечерта до 05 часот наутро, а движењето во време на ограничувањето ќе биде можно само со дозволи.
Вакцинација– Во поликлиниката „Јане Сандански“ во Скопје денеска почнува вакцинацијата против Ковид-19 со вакцината „Спутник V“. Во поликлиниката Букурешт, пак, почнува ревакцинацијата со вакцината на „Фајзер“.
Попис – Пописот треба да го спроведеме, тоа е статистичка операција и секој треба да си ја преземе одговорноста, вели премиерот Зоран Заев.
– Има земји кои што го одложиле, но тие имаат последни податоци од пред 10 години. Ние имаме последни податоци од пред 20 години и навистина правиме грев пред граѓаните со сето тоа што е работење на јавните институции со нивните пари на непознати податоци. Треба да го спроведеме пописот и апсолутно е јасно како операцијата се спроведува со анкетен прашалник, согласно протоколите, како што течат сите постапки. Можеме да го завршиме пописот. Тоа е статистичка операција и треба да си ја земеме одговорноста, изјави Заев во одговор на новинарско прашање по денешната посета на „Скопје Ист Гејт“
Државната комисија за спречување на корупција почна со вселување во новите простории – 2 430 метри квадратни на три ката во зградата на Службата за општи и заеднички работи, спротив МНР, со што се решава просторниот проблем на антикорупционерите и се овозможува ставање во функција на софтверот и опремата за поврзување на антикорупционерите со останатите 17 институции од кои треба да се црпат информации, при откривање на случаи поврзани со корупција и судир на интереси.
Министерството за внатрешни работи и Мисијата на ОБСЕ во Скопје денеска во Гевгелија, во рамки на одбележување на завршување на проектот „Намалување на ризикот од пролиферација на оружје и муниција“ што се реализираше во изминатите три години, потпишаа Меморандум за соработка со што го означија стартот на новиот проект „Поддршка на националните власти на Република Северна Македонија во намалување на ризикот од пролиферација и злоупотреба на малото и лесно оружје.
Правда -Следното рочиште за судскиот предмет „Меѓународен сојуз“ е закажано за 18 март. Судијката Софче Ефремова, најави дека на ова рочиште е предвидено да сведочат лицата Јордан Камчев и Агапи Дика. Воедно таа посочи дека судот е известен дека барањето на обвинетиот Бојан Јовановски, за изземање на обвинителката Вилма Рускоска, е одбиено како неосновано.
ЦИВИЛНИ АКТИВНОСТИ
ЦИВИЛ со панел дискусија „Попис: Статистика, не политика“ во општина Гостивар
Панел на ЦИВИЛ во Гостивар: Пописот е статистика, а не политика
ПОЛИТИЧКИ ОКЕЈ КОРАЛ
Рашковски купил софтвер за МВР што не се користи, Заев вели дека софтверот ќе се користи во иднина, Рашковски тврди дека не патентирал никаков софтвер, ДКСК отвори предмет
СЛОБОДНА ЗОНА
„Ќе биде многу напорно додека се дочека крајот на месецот и вонредниот конгрес на иницијаторите за смена на сегашното раководство на ВМРО-ДПМНЕ, бидејќи нивните противници, раководството од „Белата палата“, навистина лавовски се борат за својот опстанок: пропагандната рерна им е вклучена на 1.500 степени, топат партиско „олово“ во неа, не дозволуваат „мува да прелета“ без да направат „тепих“ со тешка артилерија! Гине во таа стратегија и по некое „цивилно население“, ама пресметката е на „живот и смрт“, недолжни цивили не се признаваат. Се кинат глави со „снајпери“, само да зуцне некој како што не треба!“, пишува Сашо Орданоски во колумната Мала ноќна музика
„Димче ќе бојкотирал попис. Бојкотираше и референдум. Бојкотира и одење на работа во Собрание, ако нема камери, а има работа. Велат се потпишува, седи некоја минута и си оди. Пратеничките прашања ги користи за да си реши лични проблеми, изгледа и проблемите на народот ги бојкотира. А лапа голема пратеничка плата од граѓаните.“, пишува Петрит Сарачини во колумната „Димче бојкотира сè, само парички – не!“
Дијана Тахири
