ВЕСТ НА ДЕНОТ: Утврдена листата на кандидати за членови на ДИК, Насер Зибери предложен за народен правобранител
Собраниската Комисија за прашања на изборите и именувањата на денешната седница ја утврди листата на пријавени кандидати за избор на претседател и членови на ДИК, а на предлог на ДУИ, Насер Зибер со седум гласа „за“ е утврден за предлог-кандидат за народен правобранител.
Како што претходно објави МИА, огласот за членови на ДИК заврши, а до Комисијата се пристигнати пријави од 14 кандидати меѓу кои има и поранешни и актуелни членови, но и вработени во службите во Комисијата и правници. Мандатот на актуелниот состав на ДИК завршува на 15 јануари. Досега само ВМРО-ДПМНЕ ја потврди поддршката за Александар Даштевски за претседател на ДИК.
Според процедурата, откако денеска Комисијата за прашања на избори и именувања ќе ја утврди листата на кандидати, ја испраќа до претседателот на Собранието Талат Џафери, кој пак во рок од три дена ја препраќа до партиите кои треба да се изјаснат кои кандидати ги поддржуваат за членови на највисокото изборно тело во државата. Листата со поддржани кандидати се доставува назад до Комисијата за прашања на избори и именувања, која ја утврдува и потоа таа се доставуваа до пленумот кој треба да гласа. Рок за одговор од партиите нема, но постапката, според досегашите искуства, може да заврши во рок од еден ден.
ЦИВИЛНИ АКТИВНОСТИ
СКЕН: Национализмот, таа темна дамка (прв дел)
ФЛЕШ ВЕСТИ
Специјалниот претставник за дијалогот со Бугарија Владо Бучковски, денеска е во посета на Софија, каде што е планирано да оствари средба со претставниците на Република Бугарија на повеќе нивоа, соопшти МНР.
Гордана Јанкуловска, поранешната министерка за внатрешни работи, денеска во сведочењето за случајот со организацијата на протестите на 27 април 2017 година, изјави дека ВМРО-ДПМНЕ не го организирала упадот во Собранието.
Собранието денеска и официјално ќе ја започне работата во новата 2021 година, иако минатата недела веќе се одржа една седница на Комисијата за прашања на изборите и именувањата.
Во ковид-центрите во болниците низ земјава се лекуваат вкупно 797 пациенти позитивни и суспектни на коронавирусот и има околу 518 празни болнички кревети.
Лекот Ивермектин кој се користи за лекување на заболени од Ковид-19 веќе е стигнат во земјава и од утре ќе се продава во аптеките ширум земјава, изјави за МИА директорот на Агенцијата за лекови и медицински средства (МАЛМЕД), Љирим Шабани.
СЛОБОДНА ЗОНА
„Според една социолошка студија објавена кон средината на минатата година во списанието „Форбс“, Доналд Трамп, во просек, кажувал по 23.3 лаги дневно, и тоа мерено во месеците во 2020 година пред епидемијата со ковид да земе силен трагичен замав во САД и пред влегувањето во завршните месеци од американското предизборие. Датабазата на „Вашингтон пост“, пак, за континуирана фактичка проверка на изјавите на Трамп, констатира околу 20.000 лаги на Трамп во 2020 до минатиот септември, а потоа во двата предизборни лански месеци, просекот на неговите лаги се искачува и до 50 дневно“, пишува Сашо Орданоски во колумната „И Трамп постојано лажеше, па гледаме до кај стигна“.