ВЕСТ НА ДЕНОТ: Владата го усвои ребалансот на буџетот за реализација на четвртиот пакет мерки за поддршка на граѓаните и економијата
Владата вчера на седница го усвои ребалансот на буџетот за 2020 година. Ова е втор ребаланс што се прави годинава, а произлегува од потребата за имплеметација на четвртиот пакет мерки за поддршка на граѓаните, економијата и макроекономската стабилност.
-Со овој ребаланс се овозможува спроведувањето на четвртиот пакет антикризни мерки, кој има за цел да обезбеди одржливост на домашните економски дејности и на работните места, да помогне одредени погодени дејности, да обезбеди стабилност на социјалните трансфери и да обезбеди политики кои ќе помогнат спроведување на брза излезна стратегија, за да – кога кризата ќе заврши – продолжиме со позитивните трендови на новата развојна македонска економија, рече министерот за финансии Фатмир Бесими на денешната прес-конференција на која го презентираше прифатениот ребаланс на буџетот.
Тој додаде дека согласно ревидираните проекции на Министерството за финансии, врз основа на кои е правен и вториот ребаланс на буџетот, враќањето на патеката на економски раст се очекува да биде побавно во однос на претходните проекции.
-Очекувањата се дека економијата ќе забележи пад од 4,4 отсто во 2020 година. Мора да се напомене дека падот ќе беше повисок, имајќи го предвид четвртиот сет на мерки. Ревидирана е и стапката на инфлација која се очекува да изнесува 1 отсто, рече Бесими.
ИЗЈАВА НА ДЕНОТ: Коцевски: Национализмот е последно прибежиште на неранимајковците
Зелен ЦИВИЛ разговараше со градоначалникот на Општина Велес, Аце Коцевски, за зелените перспективи на општината, промоцијата, негувањето и разбирањето на зелените вредности и нивната врска со социјалната правда и антинационализмот.
Градоначалникот на Гевгелија, Сашо Поцков, во интервју за ЦИВИЛ Медиа зборува дека европските вредности му се поблиски од национализмот. Тој зборува и за тоа како Општината се справува со ковид-кризата, и кои се неговите очекувања за следните локални избори.
Рокот за регистрација на Радиодифузерите, печатените и електронските медиуми (интернет портали), во базата на Државната изборна комисија, за платено политичко рекламирање на учесниците во изборната кампања за предвремените избори за градоначалник на општина Штип и општина Пласница, завршува денеска (5 октомври) на полноќ.
Државниот студентски дом „Скопје“ објави распоред за вселување во домовите „Стив Наумов“ (зграда и бараки), „Кузман Јосифовски-Питу“ и „Гоце Делчев“. Тие отвораат денеска согласно со одлуката на Владата и по препорака на Комисијата за заразни болести да примаат со преполовен капацитет и со строго почитување на протоколите за заштита од КОВИД-19.
Бугарски интелектуалци: Меморандумот не ги рефлектира достигнувањата на голем број бугарски историчари во последните децении, а е неразбирлив и за Европа.
Education International – EI, Меѓународен сојуз на синдикатите во областа на образованието со седиште во Брисел, оваа година ќе го одбележи денот под мотото: „Taking the lead“ со 24 часа онлајн програма во живо со учество на учители, наставници и синдикални претставници од целиот свет.
„Деновиве со внимание следам што сé се случува во политичкиот дискурс во Македонија, каде преку ефтин популистички наратив, одредени „фактори“ се обидуваат на мала врата да се самопромовираат како заштитници на работничката класа. Видете да се разбереме, во изминативе 30 години до тој степен беше девастирана работничката класа, да најмалку уште толку време ќе биде потребно да ѝ се вратат главните обележја како на класа која е посебна, класа сама за себе. Овде не говорам за класа по урнекот на онаа од зачетокот на индустриската револуција, ниту пак во оние историски околности во кои таа можеше да ја манифестираа својата моќ. Овде говорам, пред сé, за моменталните историски околности, каде работничката класа е исклучена од општествените токови преку нејзина потполна пасивизација на полето на општествената одговорност и политичката активност“, пишува Гордан Стошевиќ во анализата „Архитиповите како проблем во дејствувањето на работничката класа (1 дел)“.
Д. Муратов
