Американскиот рапер Канје „Је“ Вест беше исфрлен од неговата агенција за таленти и платформа за малопродажба Shopify по серијата хомофобични и антисемитски објави на социјалните мрежи во текот на викендот.
47-годишниот рапер во последно време непрекинато е на насловните страници поради неговите контроверзни испади, почнувајќи од перципираното „контролирачко однесување“ кон неговата сопруга Бјанка Ценсори, до продажба на маици со свастика на неговата веб-страница за малопродажба Yeezy, која оттогаш беше отстранета.
Минатата недела, раперот започна серија напади со говор на омраза против Евреите на Х, велејќи:
„Можете да добиете пари со Евреите, но тие секогаш ќе крадат“ и „Јас сум нацист… Го сакам Хитлер“.
Канје има долга историја на антисемитски забелешки, откако претходно рече дека „ќе убива 3 на еврејскиот народ… Вие момци си поигрувавте со мене и се обидувавте да го оцрните секој кој се спротивставува на вашата агенда“. Ова доведе до тоа брендот за спортска облека Адидас да стави крај на нивното профитабилно партнерство „Yeezy“ и глобална реакција што го наруши имиџот на ѕвездата.
И покрај тоа што се извини во 2023 година, Вест сега го отповика:
„Никогаш не се извинувам за моите еврејски коментари. Можам да кажам што, по ѓаволите, сакам да кажам засекогаш. Каде е моето е*** извинување што ги замрзнаа моите сметки?“
Како одговор, агенцијата за таленти на Вест, 33 и Вест, го отстрани од нивниот директориум во понеделникот. Во изјавата, основачот Даниел Макартни рече дека неговиот работен однос со Вест е завршен „поради неговите штетни забелешки и говор на и омраза за кои јас, ниту 33 и Вест можат да се залагаат“.
X, платформата за социјални медиуми во сопственост на Илон Маск, не ги симна објавите на Вест, само ја ограничи неговата сметка откако раперот почна да споделува линкови до порнографска содржина.
„Со оглед на тоа што го објави, неговата сметка сега е класифицирана како NSFW [не е безбедна за работа]“, рече Маск. „Не треба повеќе да го гледате тоа“.
Вест сега го деактивираше својот X профил, велејќи: „Се одјавувам од Твитер. Го ценам Илон што ми дозволи да испуштам воздух“.
Скандал со свастика
Но, не завршува тука. За време на 30-секундната реклама за Супер Боул во неделата, Вест сподели и линк до неговата модна компанија „Yeezy“ во која имало маици украсени со свастика, по што Shopify, онлајн платформата за малопродажба која ја хостира веб-страницата, ја стави офлајн, наведувајќи:
„Сите трговци се одговорни за следење на правилата на нашата платформа. Овој трговец не се вклучи во автентични трговски практики и ги прекрши нашите услови“.
Од вторникот, поранешен вработен во компанијата на Вест, исто така, го тужи за наводно погрешно отпуштањее, заедно со полова и верска дискриминација. Тужителот, Еврејка анонимизирана како Џејн До, тврди дека Вест ја отпуштил откако и испратил СМС порака на која пишувало „Hail [sic] Hitler“.
Адвокатот Карни Шегериан, кој го застапува случајот на жената, ја опиша како „немилосрдна и намерна кампања на антисемитизам и мизогинија“ од Вест.
Овие настани го следат контроверзното појавување на Вест(непоканет) на црвениот тепих на Греми наградите, од каде беше избркан откако неговата сопруга Бјанка Ценсори го соблече палтото за да открие целосно проѕирен фустан, оставајќи ја гола пред очите на јавноста. Ова, заедно со историјата на Вест за контролирање на однесувањето кон жените, предизвика загриженост за благосостојбата на Ценсори – навидум потврдено од Вест што напиша на X: „Јас имам доминација над мојата сопруга“.
Раперот, исто така, неодамна на подкастот The Download откри дека му било погрешно дијагностицирано биполарно растројство и дека всушност има аутизам.
Вест сè уште не ја коментирал тужбата против него, ниту пак да биде отфрлен од неговата агенција за таленти и Shopify.
И да не заборавиме, Канје повторно го поддржа Доналд Трамп во кампања за претседател на САД откако предтодно неславно ја објави својата верност кон Доналд Трамп во 2018 година, носејќи ја црвената капа „Make America Great Again“ и го посети во Белата куќа, а заедно со неговата поранешна сопруга Ким Кардашијан го посетијана имотот на Трамп во Мар-а-Лаго во 2022 година, кога наводно Је побарал од него да биде негов потпретседател, но тоа не му поминало.
