Продажбата на канадскиот производител на знамиња Flags Unlimited се удвои во однос на претходната година, изјавија сопствениците на компанијата, бидејќи тензиите со соседните Соединетите Американски Држави поттикнуваат бран на патриотизам, објави Ројтерс, пренесува ЦИВИЛ Медиа.
Зголемувањето на продажбата доаѓа пред денот на националното знаме на Канада на 15 февруари, по повод 60-годишнината од дебито на транспарентот на црвено-белиот јаворов лист во Отава.
Мет Скип, косопственик на Flags Unlimited во Бари, северно од Торонто, го припишува скокот на побарувачката на заканите од американскиот претседател Доналд Трамп за канадскиот суверенитет.
„Тоа е директен одговор на политичката клима, при што Канаѓаните се собираат зад нивното знаме како симбол на единство“, рече Скип.
Канадските политичари ги повикаа граѓаните да го истакнат државното знаме овој викенд за да го покажат тоа единство и нивната национална гордост.
Канаѓаните ги откажаа патувањата јужно од границата, го бојкотираа американскиот алкохол и другите производи, па дури ги исвиркаа на спортски настани, откако Трамп објави царини од 25 отсто за повеќето стоки од Канада на 3 февруари, иако оттогаш ги одложи царините.
Подготви: Д. Мишев
