Која е дефиницијата за различноста на работното место? Повеќето луѓе ја разбираат дефиницијата за општа еднаквост и разновидност, но што значат овие во контекст на работното место?
Едноставно кажано, различностите на работното место значат дека компанијата вработува широк спектар на разновидни лица. Разновидноста честопати е погрешно сфатена како исклучиво мултикултурна работа, но таа исто така важи и за различноста на полот, расата, етничката припадност, возраста, сексуалноста, јазикот, образованието, потеклото и слично.
Но, во 2019 година, различноста на работното место не се однесува само на вработување на различни лица, туку и осигурување дека учеството на овие вработени е еднакво.
Со оглед на тоа што студија на Универзитетот во Мичиген откри дека луѓето ангажирани за „разновидност“ понекогаш се сметаат за помалку квалификувани, работодавците сè повеќе препознаваат дека симболичното вработувањето на разновиден опсег на луѓе едноставно не е доволно.
Во последниве години, темата за разновидност и вклученост на работното место се прошири на осигурување дека компаниите го зголемуваат учеството, перформансите и надоместокот на малцинствата, а не само симболично вработување со цел да „штиклираат кутија“.
Што е уште поважно, компаниите ја препознаа огромната вредност што можат да ја додадат во ангажирањето на разновиден спектар на поединци и личности за нивниот бизнис.
Еднаквоста на работното место има за цел да осигури дека сите поединци имаат еднакви можности за успех и спречува поединци да бидат дискриминирани или третирани поинаку, поради одредена лична или физичка карактеристика. Разновидноста, од друга страна, е да се ценат разликите помеѓу поединците и во контекст со работното место да се осигура дека се вреднуваат сите овие различни атрибути и карактеристики.
Па, зошто е важна различноста на работното место?
Разновидноста и вклученоста се витален дел од културата на работното место, не само што се важни за благосостојбата на вработените во компанијата, туку исто така и самиот бизнис ќе има корист.
Во рамките на разновидно работно место, вработените можат подобро да ги разберат меѓусебните разлики. Ова честопати ќе помогне да се намалат конфликтите помеѓу, дури и најразличните членови на тимот и често ќе ги обединува луѓето на заедничка цел наместо да ги дели. Кога вработените ќе препознаат дека разликите се прифаќаат и слават во една организација, тие најверојатно ќе бидат и посигурни во сопствените уникатни квалитети.
Охрабрувањето на различноста може да помогне да се зајакне самодовербата и перформансите од одделни членови на тимот, кои можат полесно да ги изразат своите идеи, да станат поблиски до своите колеги и да уживаат и да се гордеат со својата работа.
Вработените имаат многу поголема веројатност да се претстават подобро во средина каде различноста и вклученоста се од најголем приоритет.
Целата поента на разновидноста и вклученоста е дека станува збор за секого, не само за застапеност на групите – така што охрабрувајќи ги сите да бидат сигурни во нивната способност само ќе помогне да се зајакне моралот и ангажманот на вработените во целиот тим.
Една од клучните придобивки на различноста во општеството е огромниот опсег на идеи што можат да се истражат. Разновидноста на работното место честопати ќе резултира со многу поширок спектар на креативност, од луѓе со различно потекло, вештини и искуства.
Општо земено, вработените кои се чувствуваат вклучени и посакувани, ќе бидат по ангажирани и помотивирани да работат добро. За возврат, поангажиран тим честопати дава подобри перформанси на тимот, што го прави победнички за работодавците.
Компаниите што вработуваат само мажи, на пример, се ограничуваат на вештините на половина од населението, ова е само една од многуте придобивки на родовата разновидност на работното место.
Разновидноста во работната сила расте во сите земји во светот, па дури и кај нас. Имајќи поразновидна работна средина, организацијата може да донесе подобри перформанси. Важно е компаниите да знаат за различностите и како да се справат со прашањата што се однесуваат на истите. Исто така, потребата од разновидна работна сила станува сè поголема не само затоа што има различни луѓе, туку и затоа што тие можат да дадат подобри резултати со тоа што во организациите работат различни типови на луѓе. Лидерите во организациите треба да научат разновидност (разлики во полот, возраста, полот и религијата во нивното работно опкружување и, исто така, да комуницираат волја помеѓу нив) и како тие ефикасно да се управуваат.
За креирање атмосфера во која различностите се добредојдени, имено, треба да ја промовираме продуктивноста, креативноста и професионализмот. „Нам ни се важни продуктивноста, креативноста и професионализмот, не вашето потекло или припадност!“ – е еден од слоганите кои можат да ги направат компаниите привлечно место за работливи и креативни професионалци. Успехот на компанијата зависи од тие премиси, а не од тоа дали во нив работат Македонци, Албанци, Турци, Роми или членови на една или друга политичка партија, мажи или жени, хомосексуалци или хетеросексуалци…
Ирена Крџиќ