Откако премиерот Христијан Мицкоски по средбата со градоначалничката на Град Скопје, Данела Арсовска предложи дел од средствата наменети за коридорот 8, за изградба на булеварот „Хасан Приштина“ на патот кон Косово, како и клучката кај семафорите на булевар „Словенија“ да се пренаменат за решавање на дел од проблемите на градот, со реакција во јавноста излезе Елми Азири, потпретседателот на Алијансата за Албанците која е дел од Европскиот фронт.
За толку малку дена, дури и да сакаат, не можат повеќе! Ужас!, напиша меѓу другото Азири.
„Го сметаме за неприфатлив и неостварлив предлогот на моноетничката влада дека проблемите со градот Скопје да се решат на сметка на Албанците, исто така со прекин на изградбата на булеварот „Хасан Приштина“ на патот кон Косово, како и клучката кај семафорите на патот „Словенија“, кој исто така ги поврзува Чаир со патот за Косово“, се вели во соопштението на Демократската унија за интеграција.
Од Алијансата за Албанците на прашањето на ЦивилМедиа испратено до неколку политички субјекти во земјава, го одговорија следното:
„Демонстрација на антиалбанската политика на ВМРО која беше најавена пред изборите и која се докажа по изборите со формирање на влада со политички групи без легитимитет кај Албанците, чии плодови секојдневно ги гледаме!, велат од Алијанса за Албанците.
Од Алијанса за Албанците нагласија дека, почнувајќи од поделбата на ресорите каде што Албанците се всушност со две министерства, исклучувајќи ги од клучните министерства, послаба застапеност од осамостојувањето до сега сме немале!
„Значи ни се случува тоа што претходно предупредивме, деалбанизација на институциите, не инвестирање во селата населени со Албанци, блокирање на Албанците во економските текови и воопшто во економскиот систем!“ изјавија од Алијанса за Албанците за ЦивилМедиа.
А. М. / М. Д.
