Денеска е Меѓународен ден на детето, и секоја година се одбележува со различни настани, за да се потсети општеството дека сепак и тие имаат права и мораат да се почитуваат, но реалноста е сосема поинаква. Борбата за целосно почитување на правата на децата мора да продолжи секој ден.
Собранието во рамки на 49. седница денеска ја почна расправата за избор на нови министри. Премиерот Зоран Заев во своето експозе истакна дека Македонија е на вистинскиот пат, се движи во добра насока и оти во тоа ќе бидат уверени сите граѓани знаејќи дека ни претстојат сериозни реформски активности и реализација на големи одлуки од пресудно значење за земјата.
СОНК се жали на селективни одлуки на судот во однос на нивните тужби. Над 120 тужби се поднесени по основ на трансформација на работен однос од определено на непопределено работно време на учителите и наставниците од основните и средните училишта, преку адвокатската канцеларија на СОНК, Ванчо Шехтански. Трансформациjа на работниот однос, според Синдикатот, чекаат околу 1.700 наставници.
Барањата на текстилниот кластер се неприфатливи за Владата, изјави денеска министерката за труд и социјална политика Мила Царовска, прашана во однос на барањата од текстилната индустрија за субвенции за придонеси.
Министерот за здравство Венко Филипче денеска информира дека пред две недели ги финализирале работите за кредитната линија со банката на Советот на Европа за изградба на новиот Клинички центар.
Д.М.
