Епидемиолошката состојба во земјите од Западен Балкан е влошена, а посебно е тешко во Словенија, Србија, Хрватска и Албанија каде што се евидентирани рекорден број на новозаразени со Ковид-19.
Србија вчера евидентираше рекорден број на новозаразени со коронавирус – 18.006 случаи од 39.740 тестирани примероци, соопшти Министерството за здравство, откако претходно Од речиси 40.000 тестирани, 45,3 отсто биле позитивни, што значи дека речиси секој втор тестиран бил заразен со корона. Во изминатото дононоќие од последици на Ковид-19 починаа 26 лица. Наглото зголемување на бројот на заразени експертите го поврзуваат со масовните собири за прослава на Нова година.
Во предходното деноноќие во Хрватска, 6.001 лице биле позитивни на брзи антигени тестови, а биле тестирани 40.575. Кога ќе се додадат позитивните кои направиле ПЦР тестови, се доаѓа до бројката од 13.549 новозаразени, што е рекорд од почетокот на пандемијата во таа земја.
Апсолутен дневен рекорд од 8.681 нови случаи на коронавирус беше потврден вчера во Словенија, јави денеска СТА. Агенцијата посочува дека стапката на позитивност достигна речиси 63 отсто. Неделниот пораст на нови случаи изнесува речиси 17 отсто.
Во Босна и Херцеговина вчера се регистрирани 3.342 новозаразени лица од вкупно 7.529 тестирани за коронавирус. Во изминатите 24 часа починаа 39 лица, од кои 25 во Федерацијата БиХ, 13 во Република Српска и едно во округот Брчко.
Во последните 24 часа во Црна Гора од коронавирус починале шест лица, а регистрирани се 1.814 нови случаи на зараза, соопшти Институтот за јавно здравје (ИЈЗ). Меѓу починатите најмладиот имал 63, а најстариот 89 години.
Во Северна Македонија според податоците од Министерството за здравство, во изминатите 24 часа регистрирани се 2269 нови КОВИД-случаи од направени 7038 тестови . Од вкупниот број позитивни, 310 се реинфекции.
Едно лице почина како последица на коронавирусот во Косово, а 720 се позитивни, соопшти Министерството за здравство врз основа на најновите податоци на Националниот институт за јавно здравје на Косово (НИЈЗК). Во истиот период биле тестирани 4.785 примероци, а 720 граѓани биле позитивни. Денеска оздравеле 159 граѓани, со што вкупниот број на оздравени е 158.909. Во Косово во моментов има 5.678 активни случаи.
Д.М
