„Руската пропаганда, лажните вести, дестабилизација на демократските општества, не се проблем само во регионот на Балканот, туку и во Европа. Во Германија, исто така, имаме руска пропаганда, ја имаме телевизиската станица „Русија денес“, и многу од нивните новости се поврзани со десните популисти, противниците на короната, популистите кои го поддржуваат Путин, антидемократското движење, така што имаме и многу реални борби со лажни вести.“, вели д-р д-р Волфганг Ресман, генерален директор на ОК ТВ во Лудвигсхафен, Германија и претседател на Федералната асоцијација на јавни медиуми, на регионалната конференција „Напади врз демократијата и човековите права: Граѓанските организации во поддршка на општествата од Западен Балкан кои се соочуваат со дезинформации, говор на омраза и хибридни напади“, 28 јули 2021.
„И во ЕУ имаме неколку проблеми. Ги имаме десничарските популисти и националисти во Унгарија, ги имаме во Полска и Словенија, исто така, националистичките сили на Хрватска. Сите тие работат заедно за да работат против демократската структура на ЕУ.
Почнав во 2015 година во Украина, во меѓувреме работиме со Молдавија, Ерменија, Грузија, Белорусија и секаде се појавуваат истите проблеми, во многу опасна форма, конфликти од една страна, во Украина отворена војна, така што дестабилизацијата на општествата е вклучена многу високо ниво. Дестабилизацијата е видлива и во Грузија, политиката на Русија во Ерменија… Мислам дека една од главните точки е дека постои идеја за обнова на старите империи, и тоа е еден од проблемите што ги имаме.“, посочи д-р Ресман.
„Кога зборуваме за овие прашања, имаме и една многу позитивна работа, имаме многу приврзаници на демократијата, поддржувачи на човековите права во Европа, во поранешните Советски републики и на Балканот. Ние мора да се бориме за демократијата, секој ден. Имаме поддржувачи. Мораме да ги искористиме нашите сили против руските влијанија. Треба да се бориме и за мир. Ние мора да работиме заедно меѓу ЕУ и земјите од Балканот, земји кои чекаат да бидат членки на ЕУ и треба да работиме со граѓанското општество. Ние мора да градиме моќ против оваа пропаганда и клептократите и новите диктатори. Мислам дека вашата конференција е еден од начините да се комбинира медиумскиот дијалог на Исток со медиумскиот дијалог на Балканот во иднина.’, вели д-р Ресман во одговор на прашањата во првата сесија на конференцијата, како хибридните закани го искривуваат јавниот дискурс и се закануваат на демократијата.
