Вкупно 152.964 лица се вработиле во Македонија во периодот од 1 јануари до 31 октомври годинава. Од нив, 63.461 лица се вработиле на неопределено време, а 89.503 на определено, покажуваат податоците на Агенцијата за вработување на Република Македонија.
Од податоците објавени на веб-страницата на Министерството за труд и социјална политика, може да се види и дека од вкупниот број вработени претходно во евиденцијата на АВРМ биле 31.662 лица, а останатите воопшто не биле во евиденцијата на невработени лица.
Во оваа евиденција во моментов како невработени се водат 102.100 лица. Најголемиот дел од нив, односно 44.259 лица, се без образование или со основно, со непотполно средно се 14.359 лица, со завршено средно образование 29.007, со вишо 1.659, а со завршено високо 11.914 лица.
На списокот на невработени има и 868 лица со завршена магистратура, како и 34 невработени доктори на науки.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
