Нападот врз селото Хроза, западно од Купијанск, во Харкивската област, е еден од најсмртоносните напади врз цивили од почетокот на руската брутална агресија против Украина.
Бројот на жртвите од рускиот напад на 5 октомври се искачи на 50. Спасувачките екипи работат на расчистување на урнатините.
За потсетување, руската воена агресија е насочена против цивилите, особено во мигови кога нивната армија трпи порази, а во последните неколку месеци се наоѓа во постојана дефанзива. Веќе одамна е очигледно дека руската армија и платеничките и парамилитарните формации кои се под команда на Кремљ, се одмаздуваат на цивилното население, при што се извршени илјадници воени злосторства.
Во март 2022 година, беше бомбардиран театарот во кој се засолнија цивилите во опколениот пристанишен град Мариупол. Нема официјален број за изгубените животи, но еден официјален претставник изјави за Би-Би-Си дека повеќе од 300 лица биле убиени, додека Асошиетед прес проценува дека нивниот број може да достигне и до 600.
Во нападот во јули 2022 година на Виница, југозападно од главниот град Киев, загинаа најмалку 23 лица, вклучително и три деца.
Во јануари 2023 година, најмалку 40 лица загинаа кога руски проектил погоди станбена зграда во Днипро.
Во нападот на станбена зграда во градот Уман, беа убиени најмалку 20 цивили, на 28 април 2023 година.
На 6 септември 2023, во рускиот напад врз источниот град Костјантинивка загинаа најмалку 17 лица.