Сашо Орданоски: Ни треба системско решение за борба против дезинформациите наместо да влегуваме во „зајачка дупка“

Сашо Орданоски на панелот „Демократија под опсада“, конференција „Одбрана на демократијата и човековите права“, 12 декември 2024 година Скопје

Во ова критично време, има три мисии што ги извршуваат новинарите и уредниците и медиумите, во претходните контексти за тоа како ќе функционираат медиумите. Тоа се многу важни работи. Едната е чувар на портата, така што традиционалните медиуми се чувари на портата. НАТО секојдневно следи милион и двесте илјади веб-страници. Дневно. Значи, ако тие веб-страници беа традиционални медиуми, тие беа чувари на информациите што стигнуваат до јавноста, посочува Орданоски.

Втората, многу важна улога беше поставувањето на агенда. Значи, кога од илјадници информации нудите триста или четиристотини вести дневно, тогаш втората работа е поставување на агендата. Што значи – види, ова оди на насловна, ова оди на осма страница. Значи, од триста вести вие всушност ја одредувате агендата за денот.
А последната улога е всушност – одредување на рамката. Медиумите поставуваат агол на веќе поставената агенда, по тој процес на чување на портите, па медиумите би дале агол.
Новинарството не е наука, тоа е збир на вештини, така што да се стане добар уредник, всушност е разбирање на овие работи, бидејќи тие се прашање на вештини.
Во последните десет години имаме голема борба меѓу уредници, новинари, медиуми и така натаму, наспроти алгоритмите. Бидејќи алгоритмите немаат ваков процес на уредување со вештини, деловниот модел на алгоритамот е различен. Интернетот требаше да биде пазар на идеи, а започна пред дваесетина години. Денес, интернетот е зајачка дупка. Затоа што алгоритмите всушност се занимаваат со кликови, не со важноста, не со кадрирањето, не со аголот, не со чување на портата.

Орданоски истакна дека пред една година бил во Естонија со проект на НАТО и го сподели искуството од Естонија каде има 24-часовна полициска служба, каде граѓаните можат да пријават несоодветна содржина или дезинформации.

„Полицијата го открива изворот или лицето што шири дезинформации и презема конкретни мерки. Во Естонија има 25 проценти луѓе што зборуваат руски. Естонија се справува со дезинформации со системско решение“, додава тој.

Орданоски истакна дека ни треба системско решение за борба против дезинформациите, не систем на „големиот брат“, туку систем што ќе биде функционален

Д.Тахири

Камера: Атанас Петровски/ Игор Чадиновски

Уредник: Ариан Мехмети

Фото: Роберт Атанасовски

КОНФЕРЕНЦИЈА, ЦЕЛОСНО ВИДЕО, емитувано во живо на 12 декември, 2024:

https://youtube.com/live/1f2Eo1ZXEQ0

ФОТО АРХИВИ: #DefendingDemocracy, Панел 1: Демократијата под опсада

https://www.facebook.com/media/set/?set=a.994398716055531&type=3

#DefendingDemocracy, Панел 2: Подемот на крајно десничарскиот национализам

https://www.facebook.com/media/set/?set=a.995019619326774&type=3

#DefendingDemocrcy Панел 3: Спротивставување на авторитаризмот