ВЕСТ НА ДЕНОТ
Северна Македонија и Бугарија договорија конкретни механизми за превенција на говорот на омраза во двете земји
Во рамки на посетата на Софија, министерот за надворешни работи, Бујар Османи оствари средба со својот бугарски колега, Николај Милков.
На средба беше разговарано за севкупниот контекст на односи и соработка, во светло на Договорот за пријателство, добрососедство и соработка, како и заедничките обврски кои произлегуваат од него. Беа договорени конкретни механизми за превенција на говорот на омраза во двете земји, при што двајцата министри заемно се согласија дека не треба да се дозволи бројните провокации од групи и поединци во двете земји да го нарушат процесот на зајакнување на добрососедските односи.
ИЗЈАВА НА ДЕНОТ
Агелер: Ќе сториме сè што е во наша моќ да им помогнеме на луѓето во Северна Македонија да успеат да ги прифатат и да ги надминат сите предизвици
-Ви благодарам за срдечното добредојде во Вила Водно денес. Голема чест ми претставува да ви го предадам моето акредитивно писмо од Претседателот Бајден. Горда сум што го претставувам Претседателот и американскиот народ како Амбасадор на Соединетите Американски Држави во Република Северна Македонија. Како што мислам дека знаете господине Претседател, имав голема привилегија да служам тука, во оваа прекрасна земја, чијашто култура, луѓе, јазици и историја ги засакав.
-Иднината е навистина светла, и покрај тоа што земјата се соочува со стари и со нови предизвици. Господине Претседател, денес сум овде да ветам дека нема сами да се соочите со тие предизвици. САД, Амбасадата на САД и јас ќе сториме сè што е во наша моќ да им помогнеме на луѓето во Северна Македонија да успеат да ги прифатат и да ги надминат сите тие предизвици. Ви го давам мојот личен завет дека ќе стоиме рамо до рамо со луѓето на оваа земја, така како што земјата ги остварува своите цели за мир, просперитет, безбедност и независност за сите свои граѓани“, изјави новата Амбасадорка на САД во Северна Македонија, Анџела Прајс Агелер денеска при приемот на акредитивните писма од претседателот Стево Пендаровски.
ВОЈНА ВО УКРАИНА
Русија ги утврдува позициите околу Мариупол Русија ги зајакнува своите одбранбени линии во привремено заземените области на Украина за да спречи брз напредок на украинските сили во случај тиа да успеат со пробивот, информираат од Министерство за одбрана на Обединетото Кралство, повикувајќи се на военото разузнавање, пренесува Укринформ.
Цивилни жртви Како резултат на руската агресија, седум цивили загинаа во Украина во текот на изминатиот ден, додека уште 10 беа ранети, изјави заменик-шефот на Кабинетот на претседателот Кирило Тимошенко, пренесува Укринформ.
ФЛЕШ ВЕСТИ
ЕЛЕКТРИЧНА ЕНЕРГИЈА АД ЕСМ на 07.11.2022 година произведе 10.600 MWh електрична енергија. Во Термоелектраните произведени се 8.949 MWh, а во хидроелектраните и во Ветерниот парк Богданци произведени се 1.651 MWh.
АКРЕДИТИВИ Претседателот на Република Северна Македонија, Стево Пендаровски, денеска ги прими акредитивните писма на новоименуваната амбасадорка на Соединетите Американски Држави во земјава, Анџела Прајс Агелер.
Лидерска без договор Без договор за уставни измени и заеднички заклучоци, но со поединечни барања, меѓу кои и за предвремени парламентарни избори и за официјално барање од Софија за признавање на македонското малцинство, заврши лидерската средба што на иницијатива на премиерот и лидер на СДСМ Димитар Ковачевски се одржа вчера во Собранието.
ПРОПАГАНДА
Руската амбасада во Северна Македонија со провокација: „Косово е Србија – Крим е Русија“
Опозициската партија Алијанса за Албанците (АА) побара од министерот за надворешни работи, Бујар Османи, да го повика рускиот амбасадор во земјава, Сергеј Баздникин за да побара објаснување и да протестира за објавениот твит од Руската амбасада во Скопје.
АНАЛИЗА
Не e само Македонија, секој четврти Европеец е во финансиска криза
Синдикатот пресмета потрошувачка кошница од 43.000 денари или со вклучена инфлација над 51.000 денари. За една година поскапело речиси се. Најмногу храната и енергенсите. Лебот и житата се продаваат по двојно повисока цена.
Над 40% зголемување е регистрирано и кај млекото, сирењето, јајцата, маслата, мастите, течните горива. Цврстите поскапеле за 38,5, топлинската енергија за 30, гасот и електричната над 20.
За да се ублажи ценовниот удар на сила е мерката ограничени маржи на основните прехранбени производи. Но, цените и натаму растат. Затоа експертите препорачаа – по примерот на соседните земји, владата да ги замрзне цените на производите. На тој начин, според нив, ќе се заузда инфлацијата, а народот ќе има сила да го истурка месецот.
„Што е тука во игра кога се работи за српско-косовските односи? Па најнапред, тоа е без сомнение последното обележје по кое властите во Приштина би можеле да сметаат дека табличките го содржат последниот спомен на некогашната Социјалистичка автономна покраина Косово и Метохија, која постоеше во рамките на Социјалистичка Република Србија, федерална единица на СФРЈ. Да објасниме: владата во Приштина на српската регистарска табличка со ознаката КМ, по сила на косовските закони, сака да ги смени табличките со ознаката РКС (Република Косово).“, пишува Љубомир Костовски во анализата „Косовскиот камен на преговорите се стркала надолу, каде што се наоѓаше пред десет години“.
Д. Тахири
