Сириски бунтовнички групи откажаа учество на конференцијата во Сочи организирана од Русија. Тие соопштија дека Москва се обидува да го заобиколи женевскиот мировен процес организиран од ОН и ја обвинија за воени злосторства во нивната држава.
Во соопштение, околу 40 бунтовнички групи нагласуваат дека Москва не вршела притисок врз сириската влада за постигнување политички договор. Русија доби поддршка од Турција и од Иран за свикување Конгрес за сириски национален дијалог на 29 и 30 јануари во Сочи.
„Русија не придонесе ниту со еден чекор за намалување на страдањата на Сиријците и не изврши притисок врз режимот да преземе реален пат за изнаоѓање решение“, се вели во соопштението.
„Русија е држава агресор, која изврши воени злосторства врз Сиријци. Таа го поддржува режимот воено и политички“, се додава во соопштението.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
