Срѓан Цвијиќ од Меѓународниот советодавен комитет на белградскиот центар за безбедносна политика, на панелот „Спротивставување на авторитаризмот“ се осврна на медиумското влијание во креирањето на јавното мислењее под влијание на србската власт.
„10 години немаме слободни медиуми. Речиси сите се контролирани од власта. Од август оваа година имаме сериозно загрозување на слободата на здружување. Важно е како гледаме на ваквите хибридни режими. Тие се процеси кои што водат кон целосен авторитаризам. Не треба Русија да се обвини како Србите размислуваат за светот, регионот, за својата земја. Нивните мислења се обликувани од медиумската машинерија на српската власт“, истакна Цвијиќ.
Српската медиумска машина ги обликува срцата и умот на луѓето да не мислат на војната во Украина
Срѓан Цвијиќ е претседател на Меѓународниот советодавен комитет на белградскиот центар за безбедносна политика и поранешен висок офицер за политика во Фондацијата Отворено општество. Поранешен српски дипломат, тој докторирал на Европскиот универзитетски институт во Фиренца и има објавено многу, вклучувајќи ја и книгата Демократија надвор од демосот (2008).
Меѓународната конференција „Одбрана на демократијата и човековите права“ во Скопје е дел од програмата на Неделата на човекови права – иницијатива на Владата на Северна Рајна-Вестфалија.
Конференцијата се состои од четири сесии, во кои учествуваат повеќе од 25 учесници од Северна Македонија, регионот, Европа и САД, како и изложба и штандови со изданија на организацијата која оваа година одбележува 25 ГОДИНИ од основањето.
