Денес стапува во сила на забраната за користење на мобилни телефони и слушалки при преминување на улица, соопштија од МВР.
Забранета е употребата на сите електронски уреди што ги расејуваат пешаците.
„Законските решенија се воведуваат со цел елиминирање на некои навики кај пешаците и возачите на одредени категории возила. Меѓу нив, пешак е должен кога се движи по коловоз под условите утврдени со овој закон, или кога ја преминува улицата и велосипедската патека или велосипедската лента, да се движи и да помине внимателно без да користи електронски уреди, како што се слушалки, мобилен телефон, таблет, паметен часовник или друг електронски уред, кој ја намалува внимателноста, додека ја преминува улицата и велосипедската патека или велосипедската лента“, вели портпаролот на МВР.
Според законските измени, од Нова година, казните за возачи кои поминуваат на црвено светло или нелегално паркираат ќе бидат построги, а тие ќе се фаќаат од камерите „Safe City“. Од 1 јануари 2026 системот на радар-блиц ќе ја испраќа казната за пречекорување на брзината на домашна адреса. Активирањето на „Safe City“ ќе го зголеми бројот на казните, очекува професорката на Правниот факултет Гордана Љажетиќ.
„Ние моментално сменивме повеќе закони во однос на „Safe City“, треба јавноста да сфати дека погрешното разбирање е дека веднаш при првиот прекршок ќе ви се одземе возилото, сепак, за повторени прекршоци, за оние кои возат несовесно со брзина над сто и дваесет, да речеме, од дозволената брзина, тоа веќе е нешто што возилото го внесува во една опасна рутина, и тоа мора да се санкционира“, вели Гордана Лажетиќ.
Од Министерството за внатрешни упатија апел за почитување направилата во сообраќајот бидејќи ќе има засилени акции со нулта толеранција за прекршоци кои можат да предизвикаат и фатални несреќи.
