ДРАГАН МИШЕВ
Глумеше обвинител, судија, шпицен градоначалник, полицаец, примариус доктор, не се симнуваше од екраните, секој ден по два.три преса. Се чинеше дека излегува и од фрижидер, фиока, гардеробер, ма и од шише пиво кога ќе отворите…и мудруваше, се закануваше, влечеше за учи, влегуваше во домовите, ги учеше новинарите како да поставуваат прашања, а сега се прави на Тошо. Не е знајал за најновата одлука на Трамп. Бил во теретана.
Ги нема ни да гукнат ниту разноразните катеблажевски, шишмиши, јорданки, кикифрики… што го глорифицираа неговото епско патување во Вашингтон, кога се сретна и се поздрави со Крис Павловски, и ја гледаше инаугурацијата на екран во сала на партиски митинг. Епохално достигнување кое ќе ја „сторит Маќедоња ол рајт“
Ги жртвуваше болните колена на прекуокеанските паувања, и тоа не еднаш, само да биде во близина на Трамп, ЏД Венс, Елон Маск. И би, на само неколу километри оддалечен од конгресот каде се одржуваше претседателската инаугурација. А како само трчаше со болните колена пробивајќи се низ толпата на Берлинската конференција, да стигне до Венс за верниот Кендо да може да го кадроса.
Истовремено, и сврте грб на ЕУ, поддржувајќи и коспонзорирајќи ја резолуцијата на САД во ОН која не ја осудува Русија како агресор, наспроти украинската поддржана од ЕУ. Упорно си ја сече гранката од стеблото на ЕУ на која седи, но за помош по трагедијата во Кочани помош побара и доби од ЕУ, и соседите, меѓу кои и Бугарија, која катаднево „ја хејта“.
Сето тоа за бенефитот кој требаше да го почувствуваме во наредниот преиод по „факултативнит посети“ на премиерот и свитата на Вашингтон.
И наредниот период пристигна. И донесе 33 одсто царини за македнскиот извоз во САД.
И сеа шу праиме. Додека сите светски премиери, претседатели, министри излегоа со осуда и најавија контрамерки, нашиов молчи. Ниту тој, ниту претседателката, ниту Министерството за економија гукнаа нешто околу тарифите, какви импликации ќе имаат врз економијата во земјава, ќе се воведат ли контрамерки?
Во меѓувреме, владините служби некако собраа сили пред крај на работното време да испратат едно штуро соопштение, склепано наврат = нанос, да не сме се секирале, немало да имаме последици од тарифите. Мхм, да, секако.
Сигурно во штабот досега амнализирале како и зошто дојде до ова. Дали Мицкоски не кажа доволно гласно и јасно „Благодарам“? Можеби бојата на вратоврската не беше соодветна на бојата на оделото кое го носеше при посетата на Вашингтон?
ПО се изгледа дека ќе мора повторно да летне до Вашингтон, да му каже благодарам на Трамп, макар и преку мегафон пред оградата на Белата куќа.
Епа, Аирлија тарифите, премиере!
Текстот е личен став на авторот.
