Во анализата на Моника Талеска со наслов: „Двесте тешки денови за Македонија“, со информативен, аналитичен и балансиран дискурс ослободен од пристрасност и емотивни тонови, презентирана е хронологија на настаните на македонската политичка сцена од периодот од втората половина на минатата година до денес. Како што рече Талеска на промоцијата на финалниот извештај од изборното набљудување „Избори 2016,,,“, дивергенциите и конвергенциите на релевантните политички субјекти, од македонскиот блок, ВМРО-ДПМНЕ и СДСМ и од албанскиот блок, ДУИ и ДПА, се главен фокус на нејзината анализата. Притоа, вклучувајќи ја и медијаторската улога на меѓународната заедница која што будно ја следеше реализацијата на политичката агенда на Договорот од Пржино и анексот на овој договор, парафиран на 31 август минатата година.
„Акцентот е ставен врз целокупната политичка активност и нивото на политичка култура на лидерите на двете релевантни политички партии, Никола Груевски и Зоран Заев.
Ракурсот на политичката анализа ја опфаќа работата на ДИК, СЈО и Ад хок регулаторното тело, кои беа дел од Договорот во Пржино.
Овие непристрасни забелешки за сите случувања на политичката сцена во Македонија, која повеќе од 10 години, функционира со заробени институции, која бележи пад на слободата на говорот, еродирани демократија и судство, ќе останат како значаен документ на современата политичка историја на оваа држава.
Постизборна Македонија е еродирана по сите шавови! Иако календарски сме на почетокот на една нова година, во Македонија се испишани многу страници со општествено-економски и политички проблеми. Речиси два месеца по изборите, Македонија нема влада. Се чини дека без медијаторство на меѓународната заедница, тешко ќе излеземе од оваа политичка криза“, рече Талеска