Инстаграм профилот на ЦивилМедиа изобилува со визуелни содржини кои ги отсликуваат јасните приоритети на медиумската платформа, следејќи го трендот на социјалните мрежи од теми и содржини значајни и од интерес на јавноста.
1. ПРАШАЊЕ НА ДЕНОТ: Дали и каде има мито и корупција во земјата?
View this post on Instagram
Од почетокот на септември 2024, ЦивилМедиа поставува Прашање на денот секој работен ден. Прашањата се актуелни, а дел од нив се поставени по предлог од читателките и читателите на медиумската платформа на ЦИВИЛ. На Инстаграм најпопуларно беше прашањето што го постави колегата Драган Мишев, дали и каде има мито и корупција во земјата?
2. ЦИВИЛ МОНИТОРИНГ: Десет дена техничка влада
View this post on Instagram
ЦИВИЛ на прес од мониторингот на 10 дена техничка влада (9 февруари 2024) објави информации дека техничкиот министер за внатрешни работи, за само неколку дена го зголеми обемот на својот кабинет за повеќе од два и пол пати со распоределба на 16 вработени во министерството и дополнително ангажира две лица од надвор, вкупно 18 лица.
3. Обраќање на Зеленски до лидерите во светот: Поддржете го Самитот за мир со вашето лично лидерство и учество
View this post on Instagram
Обраќањето до светската јавност и до лидерите во светот е снимено за време на работната посета на Зеленски во Харкив, Украина на 24 мај 2024. На видеото Зеленски стои среде разурнатата печатница „Фактор-Друк“, најголемиот печатарски објект во Украина. Заедно со објектот изгореле околу 50.000 книги.
4. Конференција МКвоЕУ
View this post on Instagram
„МКвоЕУ: Предизвици и перспективи“, – дел од активностите во проектот #МКвоЕУ, во кој учествуваа над сто истакнати личности од повеќе општини во земјава. Обраќањето на проф. Катерина Колозова за патот кон ЕУ се базираше на гео-политичкиот концепт на Европа базиран на економија преку иновации.
5. Хибридното војување во Северна Македонија
View this post on Instagram
Обраќање на претседателот на ЦИВИЛ на конференцијата МКвоЕУ, каде зборува преку примери за руски ангажман и тактики во хибридното војување во Северна Македонија, најчесто кампањи за дезинфомации во медиумите и онлајн платформите.
6. Ксенија Халубович, новинарка, Белорусија (во егзил): Ние не сме Руси, имаме сопствени проблеми, сопствен јазик, култура, не сме браќа, соседи сме но не и браќа, никогаш браќа
View this post on Instagram
Обраќање Ксенија Халубович, новинарка, Белорусија (во егзил) на Меѓународната конференција „Одбрана на демократијата и човековите права“ во Скопје, што ЦИВИЛ ја спроведе како дел од програмата на Неделата на човекови права – иницијатива на Владата на Северна Рајна-Вестфалија.
7. Ги загрозува ли движењето „3 март“ на Радев европските амбиции на Македонија?
View this post on Instagram
Анализа на Љубомир Костовски за движењето „3 март“ на бугарскиот претседател Румен Радев и како тоа ќе се одрази на македонсите амбиции за ЕУ, објавена на 5 март 2024 чии наративи беа „типично кремљовските наративи, во бранови, кои неуморно удираат на бреговите на евроинтеграциите“.
8. Дали претседателката Силјановска Давкова, „доследна на својата недоследност“, се врти кон мултиполарниот свет на Путин
View this post on Instagram
Анализа на Драган Мишев во која се разгледува барањето експерт за евроинтеграции и експерт за глобализација кое претседателката Сиљановска Давкова го оправда со изјавата „Сè што правиме е враќање назад, во Европа, каде што ни е местото… и глобализацијата не е веќе само американизација, туку мултиполарен свет, гледаме“.
9. Заедничка фотографија од Конференција „Украина: Две години хероизам“
View this post on Instagram
Амбасадата на Украина, во соработка со ЦИВИЛ – Центар за слобода, на 26 февруари 2024 организираше голема конференција под наслов „Украина – две години хероизам“. Настанот се пренесуваше во живо на медиумската платформа на ЦИВИЛ, на Фејбук профилот и Јутуб видео каналот на организацијата.
10. Белата лага за пожарите
View this post on Instagram
Анализа на Љубомир Костовски за медиумското пренесување на информациите поврзани со пожарите што во летото ја зафатија Северна Македонија, објавена на 18 јули 2024, прикажувајќи го „медиумското оддувување на пожарите со цел да се намали одговорноста и способноста на оваа власт (власта на ВМРО-ДПМНЕ) во адекватноста на одговорот на настаните на теренот“
Подготвија: Б. Тахири и Б. Јордановска
