Доналд Трамп го праша Володимир Зеленски дали Украина е способна да ја нападне Москва, бидејќи тој охрабруваше повеќе напади со долг дострел во Русија.
Американскиот претседател му рекол на својот украински колега дека сака Украина „да ги натера [Русите] да ја почувствуваат болката“ и да го принуди Путин на преговарачка маса, изјавија извори за Фајненшл тајмс, пренесува Телеграф.
„Володимир, можеш ли да ја погодиш Москва?… Можеш ли да го погодиш и Санкт Петербург?“, наводно прашал американскиот претседател во повикот од 4 јули.
Според Телеграф, Зеленски одговорил: „Апсолутно. Можеме ако ни го дадете оружјето“.
По повикот, Кијив добил список од американските помошници на системи за удар со долг дострел што би можеле да бидат достапни преку трансфери од трети страни.
И покрај променливиот став на Трамп, САД наводно остануваат неподготвени да ѝ дадат на Украина ракети „Томахавк“, прецизни крстосувачки ракети што можат да погодат цели на оддалеченост од 1.600 км, пишува Телеграф.
Неговиот предлог за вооружување на Украина беше објавен вчера, кога објави планови за продажба на оружје во вредност од милијарди долари на Украина преку членките на НАТО алијансата, вклучувајќи ги Велика Британија, Франција и Германија.
Д. Т.
Трамп се закани на Русија со царини и најави повеќе американско оружје за Украина
