Транспаренси Интернешнл – Македонија денeска ќе ги презентира наодите од Индексот на перцепција на корупцијата (ИПК) за 2023 година.
Претседателот на Транспаренси Интернешнл – Македонија, Благоја Пандовски ќе информира како е позиционирана земјава во годинашниот извештај и за методологијата врз основа на која е формиран резултатот за 2023.
Република Северна Македонија минатата година со 40 индексни поени беше рангирана на 85 место од вкупно 180 земји.
Индексот на перцепција на корупцијата (ИПК) ги бодува и рангира земјите/териториите врз основа на проценетата корупција во јавниот сектор на државата, од страна на експерти и бизнисмени. ИПК претставува композитен индекс, комбинација на анализи и проценки на корупција, собрани од повеќе реномирани институции.
Прес-конференцијата на која ќе биде презнетиран извештајот за 2023 година ќе се одржи во канцелариите на Транспаренси Интернешнл- Македонија.
