Претседателот на ССМ Слободан Трендафилов денес пред почетокот на конференција на тема “Социјален дијалог – состојба, перспективи и предизвици”. во изјава за медиумите истакна дека уште на 1-ви мај истакнале неколку барања, меѓу кои и барањето за зголемување на минималната плата.
Утре ќе биде 101 ден од новата Влада и повторно нема да биде ништо сменето, вели првиот синдикалец Слободан Трендафилов, кој истакна дека сѐ уште немале седница на Економско социјланиот совет, за да бидат информирани што се направило досега во првите 100 дена Влада, а и за да ги изнесат своите барања.
Според него, Владата во првите 100 дена требало да седнат со нив на заедничка маса, а аргументите се токму на страната на работниците.
Сметаме дека 25.000 работници во државата, кои земаат 22.567 денари е некоректно, односно нечовечки да ја примаат како таква. Сметам дека 10.000 работници кои примаат плата од 1 денар до 22.567 денари е кривично дело да го прават тоа работодавачите и сметаме дека доколку за да покриете една минимална синдикална кошничка ви се потребни веќе три минимални плати, дека аргументите наши се издржани и дека делот за храна и пијалоци, кој е веќе дваедет и две-три илјади денари – една минимална плата не покрива ниту хрна, леб и вода, рече Трендафилов
Тој наскоро очекува да се одржи седница не Економскиот социјален совет, а ССМ понатану ќе даде поддршка на сите синдикати во нивната борба за повисоки плати во секторите каде ги застапуваат работниците, а минималната плата е нешто што треба да се случи во најскоро време.
Денешната конференција посветена на состојбата и перспективите на социјалниот дијалог иницирана од Сојузот на синдикати на Македонија на едно место ги собра сите социјални партнери, синдикатите, работодавачите и владата.
М. Д.
