Тројката на ОБСЕ – Малта, Северна Македонија и Финска , во заедничка изјава силно го осуди насилниот одговор на грузиските власти на мирните протести на грузиското граѓанско општество, независните медиуми и политичарите, кои се залагаат за демократската иднина на земјата.
Тројката на ОБСЕ ги повика грузиските власти веднаш да престанат употреба на репресивни тактики и заплашување, вклучувајќи произволно притворање и физичко насилство.
Ги повикуваме грузиските власти да ги гарантираат правата на слободата на собирање и слободата на изразување на луѓето во Грузија, во согласност со меѓународните обврски на Грузија. Законите донесени во спротивност со овие заложби мора да бидат укинати, се наведува во соопштението.
Сите наводи за насилство, изборна измама и напади врз демократските вредности и принципи мора да бидат веродостојно истражени, а сите одговорни за овие злосторства мора да одговараат.
Истовремено, Тројката ги повикува грузиските власти да ги поддржуваат човековите права, демократијата и владеењето на правото во согласност со нашите заеднички принципи и заложби на ОБСЕ, како што се веќе содржани во завршниот акт на Хелсинки и Париската повелба.
Ги охрабруваме грузиските власти да ги користат различните алатки и експертиза што ОБСЕ и нејзините институции можат да ги понудат. Тројката е подготвена да ја олесни секоја размена за таа цел.
Ние стоиме со грузискиот народ додека ги изразува своите аспирации за демократска и европска иднина, како што е кодифицирана во грузискиот устав“, се вели во соопштението на Тројката на ОБСЕ.
М. Д.
