На панел дискусијата на ЦИВИЛ „Државата за граѓаните или граѓаните за државата“, еден граѓанин од публика истакна дека ЦИВИЛ беа гласни во времето кога информациите беа дезинформации и кажуваа работи што беа битни за граѓаните, а не тоа што некој други сакаа да ни пласираат.
„Дебатата е одлична, меѓутоа имам една забелешка, зошто не ги поканивте да дојдат и претставниците на власта, бидејќи овие одлични поенти на панелистките ќе завршат тука и никој од власта нема да ги слушне“, рече еден граѓанин на панел дискусијата.
На добронамерната критика зошто нема повеќе претставници од институциите на настанот, одговори Џабир Дерала, кој го сподели своето убедување дека пораките сепак ќе стигнат до институциите и политичарите и дека ЦИВИЛ беше и ќе остане гласот на граѓан(к)ите.
„Секогаш уредно ги покануваме сите, меѓутоа, ако некој не дојде на панел дискусијата тоа не значи дека пораката нема да стигне до нив. Напротив, сите пораки и критики стигаат до тие на кого се упатени, преку нашите медиумски и онлајн канали“ – рече Дерала.
Тој направи и споредба со времето на режимот на Груевски: „Во 2016 година кога го добив ЦД-то со прислушуваните раговори, јас пред медиумите коментирав дека бев убеден дека никој не нè слуша што зборуваме и дека залудно критикуваме со години, а тие, всушност, сè слушаа. Јас во таа прилика им заблагодарив што слушаат.“
Дехран Муратов
Камера: Атанас Петровски
Монтажа: Ариан Мехмети
