Почнувајќи од 2017 година, тимот на Цивил и интегрираната редакција на ЦивилМедиа секога година организираат серија панел дискусии и продуцираат мултитематски медиумски прилози, ставови и анализи под заеднички наслов „Перспективи“.
Извонредно богатство од изјави, интервјуа, анализи и ставови се собираат, на едно место, на крајот од декември и почетокот на јануари секоја година. На тој начин, Цивил дава придонес кон општествено политичкиот дијалог во земјата и ги одредува главните насоки, препораки и прогнози за годината пред нас, а воедно дава оценка и за годината што ја оставаме зад нас.
ДВЕ ПРАШАЊА
И оваа, шеста година по ред, „Перспективи 2023“ е можност да се претстават ставовите и оценките на релевантни претставници на граѓанското општество и медиумите, аналитичари, јавни личности, и креатори на политиките и практиките за најважните прашања во изминатата и перспективите за претстојната година. Тие одговараат на две, навидум едноставни прашања:
- Како ќе ја оцените годината што изминува?
- Кои се перспективите во претстојната година?
ПОКАНЕТИ СЕ ЕКСПЕРТИ, ПОЛИТИЧАРИ, ЈАВНИ ЛИЧНОСТИ…
Цивил ги поканува претставниците на политичкиот, општествениот, економскиот и културниот живот, да учествуваат во „Перспективи 2023“ во видео и текстуален формат. Ставовите и анализите на дел од нив веќе се подготвени и се објавуваат на медиумската платформа на Цивил, но организацијата е отворена за предлози и сугестии до крајот на јануари.
СИТЕ ЗАИНТЕРЕСИРАНИ МОЖАТ ДА УЧЕСТВУВААТ
Од Цивил соопштуваат дека сите заинтересирани можат да испратат свој прилог во видео или текстуален формат во кој ќе ги изнесат своите ставови и оценки за изминатата 2022 година и перспективите во 2023 година. Прилозите можат да се испратат на civil.macedonia@gmail.com.
Објавените содржини се достапни за објавување според лиценцата Creative Commons 4.0.
SOCIAL MEDIA
FACEBOOK | TWITTER | INSTAGRAM | YOUTUBE
