Црвениот крст ја повика меѓународната заедница да работи со талибанската влада, бидејќи е надвор од моќта на хуманитарните организации сами да се справат со кризата во таа држава. Генералниот директор Роберт Мардини рече дека Меѓународниот комитет на Црвениот крст ги засилил своите активности од август, кога власта ја презедоа талибанците и кога странската помош престана. Други организации, исто така, напорно работат на борба против хуманитарната криза во Авганистан.
„Меѓутоа, хуманитарните организации можат да работат само заедно за да направат одредени работи. Тие можат да понудат привремени решенија, изјави Мардини.
Во исто време со промената на власта, земјата влезе во длабока криза и милиони луѓе се во опасност од глад. Според Мардини, 30 отсто од 39-милионското население во Авганистан страдаат од тешка неухранетост додека на 18 милиони луѓе им е потребна хуманитарна помош или заштита.
Според директорот на Црвениот крст, поддршката на меѓународната заедница, која досега беше претпазлива од талибанската влада, е клучна за обезбедуавње основни услуги за народот.
Во четвртокот ОН најавија создавање фонд за финансиска помош и финансиска помош директно за Авганистанците. Мардини смета дека тоа ќе го реши проблемот во рамки на три месеци.
