Украинската разузнавачка служба објави список за кој се тврди дека вклучува руски војници кои извршиле злосторства врз цивили во Буча, пренесува МИА.
Списокот, објавен на веб-страницата на Министерството за одбрана, вклучува имиња, датуми на раѓање, броеви на пасоши и чинови на околу 2.000 војници.
Покрај тоа стои порака: „Запомнете! Сите воени злосторници ќе бидат изведени пред лицето на правдата за злосторствата извршени врз цивилното население на Украина“
Градот Бородјанка ќе биде најтешко погоден од руската инвазија во регионот на Киев. Ова го изјави украинската главна обвинителка Ирина Венедиктова во интервју за украинската телевизија. Според неа, бројот на жртвите во градот ќе биде поголем отколку на кое било друго место во Украина.
Бородјанка се наоѓа на околу 23 километри западно од Буча, каде на фотографиите по повлекувањето на руските трупи се гледаат голем број тела на цивили кои лежат на улиците.
Според Венедиктова, многу од акциите на руската војска во регионот на Киев може да се оквалификуваат како злосторства против човештвото.
Украинските власти вчера објавија дека ги истражуваат наводните злосторства на руските сили во областите околу Киев.
