Реакција на Амбасадата на Украина во Република Северна Македонија во врска со вандалскиот чин извршен во паркот „Украина“ во Општина Чаир на град Скопје.
Ноќта пред 13.07.2023 година непозната група лица извршиле вандалски чин во паркот „Украина“ кој се наоѓа во Општина Чаир на град Скопје со бојадисување на таблата со името на паркот.
Покрај тоа, еден ден претходно, лицата кои најверојатно припаѓаат на движењето „Црвена Младина“ јавно и самоволно го залепиле името „Парк АСНОМ“ на оригиналното име на објектот „Парк Украина“, објаснувајќи го тоа со „отсуството на спомениците на македонските антифашистички херои кои наводно биле поставени на ова место порано и потребата да се почитува нивниот спомен со исправување на грешката“.
Потсетуваме дека на 07 јуни 2023 година, Амбасадата на Украина во Скопје, заедно со раководството на Општина Чаир и Здружението на Украинци во Северна Македонија, одржаа свечен настан по повод доделувањето на името „Украина“ на споменатиот парк. Доделувањето на името „Украина“ на споменатиот парк се одвиваше според регулирана процедура во Советот на Општина Чаир.
„Ние сме им благодарни на жителите, на администрацијата на Општина Чаир и лично на градоначалникот Висар Ганиу за тоа што тие изразија солидарност и, меѓу другото, го почитуваа споменот на жртвите од воената агресија од големи размери на рф против Украина и на украинските бранители-херои.
Украина го чува споменот за своите херои, кои сега ја бранат нашата независност од државата-терорист рф. Украина, исто така, го почитува споменот на Украинците кои за време на Втората светска војна ја ослободуваа од нацистичките окупатори и Украина и европските земји. Украина тогаш изгуби повеќе од 10 милиони Украинци“, се вели во реакцијата.
Украина го осуди националсоцијалистичкиот (нацистички) тоталитарен режим и го призна како злосторен, како и комунистичкиот тоталитарен режим од 1917-1991 година. Покрај тоа, Кривичниот Кодекс на Украина утврдува одговорност за производство, дистрибуција на комунистички и нацистички симболи, како и пропаганда на комунистичкиот и националсоцијалистичкиот (нацистички) тоталитарни режими.
„Почитувањето од страна на државата на своите херои, оние кои ги дадоа своите животи за независност и самоидентитет, е света должност за потомците“, велат од Амбасадата на Украина.
Во почитувањето на споменот, неопходно е да се почитуваат како универзалните човечки вредности, така и националното законодавство. Во исто време, желбата да се почитува споменот на своите херои не може да се поврзува со уцена и со вршење на вандалски чинови.
Од амбадасата потенцираат дека достоинството е исто така почитување на споменот.
Повеќе на истата тема:
