Луѓето отсекогаш користеле насилство за да ги решат споровите, и сите култури низ вековите верувале дека мора да има ограничувања за тоа насилство ако сакаме да спречиме војните да преминат во варварство. На пример, постојат правила кои ги штитат оние што не учествуваат во војните, затворениците и ранетите. Овие правила се утврдени во меѓународното хуманитарно право. Да, дури и војните имаат граници, пишува на веб страницата на Меѓунаротниот комитет на Црверниот Крст, во делот каде што се објавени Женевските конвенции што се дел од меѓународното право кон кое се обврзани сите држави во светот.
Во контекст на бруталните воени злосторства што ги извршува рускиот агресор во Украина, денешната објава на Амбасадорката на Украина, Лариса Дир, напиша дека „егзекуциите и тортурата на украинските воени и цивилни заробеници се воени злосторства на рф“. Со своите секојдневни објави на социјалните мрежи, украинската амбасадорка води своевиден дневник на војната со големи размери што рускиот агресор ја води против Украина, а започна на 23 февруари 2022 година. Денеска е ден 963 од руската агресија со големи размери.
„Ден 963. Егзекуциите и тортурата на украинските воени и цивилни заробеници се воени злосторства на рф. Женевските конвенции се прекршени од рф. Повелбата на ОН е прекршена од рф. Меѓународниот притисок врз рф ќе помогне да се спасат животите на оние кои се во руско заробеништво“, напиша амбасадорката Дир, пренесува ЦивилМедиа.
Ден 963. Егзекуциите и тортурата на украинските воени и цивилни заробеници се воени злосторства на рф.
Женевските конвенции се прекршени од рф.
Повелбата на ОН е прекршена од рф.
Меѓународниот притисок врз рф ќе помогне да се спасат животите на оние кои се во руско заробеништво. pic.twitter.com/nxU6XIHFxK— Larysa Dir (@dir_larysa) October 13, 2024
Русија изврши 137.000 воени злосторства во Украина, изјави претседателот Володимир Зеленски на конференцијата Обединети за правда во Киев на 11 септември.
Воените злосторства вклучуваат дела како што се намерни напади врз цивили, напади врз објекти на културата и културното наследство, здравствени установи, тортура и депортации.
Подготви: Џ. Д.
