Државата Њујорк ја тужеше компанијата „Вајнстин“ поради сомнеж дека студиото не ги заштитило вработените од продуцентот Харви Вајнстин, кого многу жени го обвинија за сексуално вознемирување или силување.
Њујоршкиот обвинител Ерик Шајдермен изјави дека поднел тужба против компанијата, како и против Харви и Роберт Вајнстин.
Вајнстин, коосновач на студиото „Мирамакс“, беше еден од највлијателните холивудски продуценти пред, сега веќе повеќе од 70 жени, да го обвинат за сексуално вознемирување или силување, што тој го негира.
Студиото преговара со група инвеститори за продажба, но поради тужбата преговорите ќе бидат „на чекање“ наведува извор запознат со ситуацијата.
Во тужбата се наведува дека продажбата на компанијата „мора да обезбеди жртвите да добијат отштета“.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини