• Latest

Вакцинацијата со АстраЗенека се одвива добро, засега со неа ќе се вакцинираат лица над 60 години

April 1, 2021
Фотографија: Колаж/АП

Шенжен: Трамп повика на дијалог, Си на соработка, Путин на заедничко решавање конфликти

November 19, 2026
Јана Коцевска (фото: ИМА)

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

Тврдењето на Сиљановска-Давкова падна при основна проверка на фактите: Уставниот „рекорд“ не постои

November 19, 2026
Орце Ѓорѓиевски, градоначалник на Скопје (Wikipedia)

Скопје меѓу „шампон“ и ѓубре: Што велат 247 коментари за првата година на Орце Ѓорѓиевски?

November 19, 2026

Европска комисија предлага нови 45 милијарди евра за Украина во 2027 година

November 19, 2026

Правилното чување на тутунот е важно за зачувување на квалитетот пред откупот

November 19, 2026
Поморскиот сообраќај во Црното Море се соочува со зголемени безбедносни ризици. (Фото: Mosbatho / Wikimedia Commons, CC BY 4.0)

Два поморски инцидента за два дена во Црното Море, спасени 31 морнар

November 18, 2026
Гордана Сиљановска-Давкова гласа за вториот круг на претседателските избори во 2024. Фото: Toshe Ognjanov (VOA). Извор: Wikipedia

Сиљановска-Давкова и „рекордот“ во бројот на уставни измени: Тврдењето падна на проверката на фактите – статистиката во служба на националистичката реторика

November 18, 2026
Анти-владини протести, Братислава, 17 ноември 2026 (Фото: Скриншот од видео на APT News)

Словачка: Илјадници демонстранти протестираа против владата на Роберт Фицо

November 18, 2026
Беџ на АНБ (фото: Архива на Слободен печат)

АНБ и МВР разоткрија мрежа поврзана со Иран: Петмина уапсени поради сомневања за подготовка на атентат во Грција

November 18, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ЗДРАВСТВО КОВИД-19

Вакцинацијата со АстраЗенека се одвива добро, засега со неа ќе се вакцинираат лица над 60 години

April 1, 2021 11:57
in ВЕСТИ, КОВИД-19
Share on FacebookShare on Twitter

Вакцинацијата на постарите граѓани со АстраЗенека се одвива добро, истакна министерот за здравство Венко Филипче, но во однос на ставовите на Германија и Канада конкретно за таа вакцина за Ковид-19, посочи дека одлучиле да бидат внимателни, да се оди полека и да се чека дефинитивна потврда дека вакцината е безбедна.

– Почна вакцинацијата на постарите граѓани од онаа критична категорија според Националната стратегија за вакцинација. Вакцинацијата почна во најголем број од градовите, а во останатите, односно во помалите градови во здравствените домови ќе започне в петок. Нашите информации се дека досега целокупниот процес се одвива добро. Нема некакви проблеми. Јасно се одбележани местата каде е пријавата, каде се пополнуваат документите, изјави вчера Филипче.

Во врска со вакцината на АстраЗенека и  информациите како став на Германија и Канада со оглед на тоа што имаше пријавени случаи на тромбоза на лица под 55 години, односно 60 години, Филипче посочи, дека сакаат да бидат многу претпазливи.

фото: МИА

Имајќи предвид дека еден дел од граѓаните се вакцинираа во Србија во изминатиот период, појасни, засега нема никакви препораки дека нешто превентивно треба да се прави ако некој примил една доза на вакцината на АстраЗенека.

– Сепак станува збор за многу ретки случаи. Во однос на ревакцината, сите граѓани кои се вакцинирани ќе бидат ревакцинирани согласно препораките кои ги очекуваме во следниот период. Значи ќе започнеме со оние други категории граѓани за што веќе ги собираме податоците тогаш кога ќе бидеме сигурни дека вакцинацијата со оваа вакцина може да продолжи и кај помлади луѓе. Имајќи го предвид сето ова и ставовите на овие сериозни агенции за лекови, Германија и Канада ќе бидеме внимателни и ќе видиме во која насока ќе продолжиме, истакна Филипче.

Потенцира дека верува оти ќе се потврди уште еднаш дека бенефитот од вакцината во смисла на тоа ризикот да се заболи од тешка форма на Ковид-19 е многу поголем од ризикот да се добие некаква таква компликација.

– Нема да избрзаме, ги чекаме сите препораки од официјалните институции вклучително можеби и некаква препорака од производителот, додаде Филипче.

Тој нагласи дека масовна вакцинација треба да има бидејќи тоа е еден од клучните елементи со кои се бориме со пандемијата, но, како што рече, секако ќе ги пратиме препораките дали некоја возрасна група треба да биде повнимателна или не, или треба евентуално да консултира лекар пред да се прими вакцината.

фото: МИА

– Последните насоки од Германија  се такви, но, додека не сме сигурни, нема да ја почнеме вакцинацијата која ја најавивме за почеток на следната недела на останатите групи граѓани кои се во втората група,  посочи министерот за здравство.

До Министерството стигнале огромен број повици и барања од луѓето кои се вакцинирале со вакцината Астра Зенека, но, Филипче уверува дека нема простор за паника.

– Не треба ништо превентивно да се прави, барем засега нема таква препорака. Така да во таа смисла, тогаш кога ќе стигнат сите информации ќе излеземе со нашиот дефинитивен став, а до тогаш нема да ја почнеме таа вакцинација, рече Филипче.

Сега, вели тој, е премногу рано да кажеме дали има откажување, но потенцира дека нема никакви регистрирани несакани ефекти кај постарите лица.

Во однос на состојбата во болниците, министерот за здравство нагласи дека е многу сериозна, апелирајќи граѓаните да ги почитуваат мерките.

– Здравствениот систем секојдневно се менаџира, се обезбедуваат нови болнички легла, медицинскиот кадар е целосно мобилизирани, но состојбата во болниците е многу сериозна, објави на својот фејсбук профил Филипче.

Затоа, посочи министерот, од огромна важност е граѓаните да ги почитуваат мерките, за да ни помогнат здравствениот систем да остане одржлив, во битка со ковид пандемијата.

Според вчерашните податоци на МЗ вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1581, а има околу 260 празни болнички кревети во ковид центрите.

Комисијата за заразни болести, според најавата на Филипче, вчера требаше да одржи состанок, но тој нагласи дека смета оти нема да има нови мерки, бидејќи било констатирано дека никаква дополнителна рестрикција од тоа што е сега не може да даде ефект.

-Гледавме што се случува во многу други земји. И во земји во кои имаше многу поголеми рестрикции од нашата сега имаше исто така многу силен бран.  Привремени од неколку дена одлуки за карантин не дадоа никаков ефект и тоа оди во прилог на тезата дека кога има широко распространета локална трансмисија единствено нешто што треба да се прави е да се почитуваат сегашните мерки, додаде Филипче.

Според вчерашниот билтен на Министерството за здравство од направени 4445 тестирања, беа регистрирани се 1511 нови случаи на Ковид-19. Регистрирани беа 587 оздравени пациенти, а бројот на починатите вчера изнесуваше 32 лица.

Во моментов се активни 19 262 случаи на заболени со Ковид-19. Од почетокот на епидемијата вкупната бројка на ковид-дијагностицирани лица изнесува 130.022, бројката на оздравени пациенти е 106 979, а на починати е 3781.

 

ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ