Поранешниот претседател на САД, Доналд Трамп, лажно тврди дека никој не бил обвинет за смртни случаи во протестите на Black Lives Matter.
Во неговата получасовна средба со тројца новинари во НАБЈ (National Association of Black Journalists), поранешниот претседател и републикански претседателски кандидат, ја пушти „во погон“ својата вообичаена литија на невистини, почнувајќи од лажна приказна за поранешниот гувернер на Вирџинија како егзекутира бебе по раѓањето, до апсурдно тврдење дека тој ги „спасил“ историските Афроамерикански колеџи и универзитети, се наведува во анализата на Глен Кеслер, објавена во Вашингтон Пост.
Пред Афроамериканската публика, тој повторно се пофали дека направил повеќе за Афроамериканците, од кој било претседател од Абрахам Линколн наваму, по што „заработи“ инстант одговор (кој го игнорираше), од Рејчел Скот од ABC News.
„Подобро од претседателот Џонсон, кој го потпиша Законот за правата на глас? ”
Авторот Кеслер понатаму во анализата се фокусира на новотолажно тврдење на Трамп.
Кога го прашале за помилување лица осудени за насилство за време на нападите на 6 јануари – Трамп, како и обично, прибегнал кон вотабаутизам (whataboutism).
Тој тврдел дека луѓе загинале во Сиетл и Минеаполис за време на протестите за социјална правда по смртта на Џорџ Флојд во 2020 година – и ништо не им се случило на тие луѓе.
„Знаеете, никој не умре тој ден, дали го знаете тоа? Но, луѓе загинаа во Сиетл. Никој не умре, но луѓе загинаа во Минеаполис. Знаете, луѓе загинаа во Минеаполис, и ништо не се случува. И никој никогаш не зборува и ништо не им се случува на тие луѓе. Но, вие тргнавте по луѓето од J6 со одмазда“– поентира Кеслер, поставувајќи паралела и споредувајќи ги лажните тврдења на Трамп наспроти фактите.
Факти наспроти лаги
Понатаму во анализата, Кеслер наведува дека како дел од неговиот аргумент, Трамп лажно тврдеше дека „никој не умрел“, кое тврдење, Кеслер го поткрепува со проверени и потврдени факти.
Во извештајот на Сенатот се вели дека „седум лица, вклучително и тројца службеници за спроведување на законот, на крајот ги загубиле животите“ во врска со нападот, од кои четири „ на тој ден“.
Четворица биле поддржувачи на Трамп – еден застрелан од полицаец од Капитол на САД додека се обидел да се качи низ скршениот прозорец што водел до фоајето на спикерот, двајца од срцев удар и еден од интоксикација со амфетамин.
Брајан Д. Сикник, полицаец од Капитол, колабирал на своето биро по нападот и починал еден ден подоцна.
Главниот медицински истражувач во округот, заклучил дека Сикник претрпел два мозочни удари речиси осум часа откако бил испрскан со хемиски надразнувач. Двајца други полицајци се самоубиле, неколку дена по нападот.
Трамп, исто така, тврдел дека пред само неколку дена имало „ужасен напад на Капитол“ од пропалестински демонстранти – и „тие се бореле со нив многу поотворено отколку што видов на 6-ти јануари“.
Тоа не е точно.
Факт– „Иако повеќето демонстранти одеа и скандираа мирно, имаше судири со органите на редот, а полицијата на ДК и Капитолската полиција соопштија дека уапсиле вкупно 15 лица. Парк полицијата на САД уапси осум лица“, објави Вашингтон пост.
Трамп нашироко зборуваше за трагедијата на „извонредните споменици, ѕвона, лавови, сите овие величествени варовници и гранит со црвена боја“.
Факт – Вандализмот се случи не во Капитол, туку во близина на станицата Унион – почнувајќи од меморијалната фонтана на Кристофер Колумбо и Ѕвоното на слободата, репродукција на Ѕвоното на слободата – а претставници на Службата за национални паркови рекоа дека тие ќе бидат исчистени во рок од три дена, и покрај изјавата на Трамп за обезличувањето: „Ќе го видите за сто години од сега“.
Беше запалено и американското знаме, што наиде на осуда од ривалот на Трамп за претседателската функција, потпретседателката Харис.
Што се случи во Сиетл и Минеаполис
Информациите за смртните случаи за време на протестите дојдоа од проектот за податоци за локација и настани за вооружени конфликти (ACLED), непрофитна организација.
Организацијата откри дека огромното мнозинство од демонстрациите на 9.000 Black Lives Matter биле мирни, но дека 11 лица биле убиени додека учествувале во протестите, а дополнителни 14 загинале во инциденти поврзани со нив.
Две лица беа убиени во Сиетл, според ACLED. Самер Тејлор, активистка на Black Lives Matter, загина кога автомобил налета на протестите.
Друго лице, 16-годишниот Антонио Мејс Јуниор, беше застрелан во инцидент за кој од ACLED рекоа дека е поврзан со пошироките немири.
Според ACLED, во Минеаполис е убиено едно лице. Продавницата Max It беше запалена за време на протестите на 28 мај 2020 година, а потоа два месеци подоцна, полицијата откри јагленисано тело во остатоците.
На снимката од надзорните камери може да се види како Монтез Териел Ли (26) истура гас околу заложницата и ја запали. Ли беше осуден на 10 години затвор, а потоа три години надгледувано ослободување, соопшти американското Министерството за правда.
Во подолжение се повторно објавените „најголеми хитови“ (тврдења) на Трамп кои претходно се разобличени
- Тој ги „спасил“ историските Афроамерикански колеџи и универзитети
- Најдобар претседател за Афро- Американци, по Абрахам Линколн
- Инвазија на „15, 16, 17 милиони“ луѓе
- Харис била „граничен цар“
- Многу мигранти доаѓаат од ментални институции
- Стапката на криминал во другите земји се намалува
- Најлоша инфлација во последните 100 години
- Трамп беше заштитен со Законот за претседателски досиеја
- Бајден беше прогласен за „некомпетентен“ во случајот со неговите претседателски досиеја
- Демократите дозволуваат убивање бебиња по раѓањето
- „Сите“ сакаа да се преврти Ро против Вејд
- Дупчењето ќе ја намали инфлацијата
- Сметките за намирници се зголемени за 60 проценти
- САД имаат повеќе нафта од која било друга земја.
Подготви: Д. Тахири
